Қазақстандық әнші Димаш Құдайбергеннің орындауындағы жаңа «AQERKE» композициясы Бельгияның Льеж қаласындағы AFM Radio эфирінен берілді, деп хабарлайды ult.kz, DimashNews сайтына сілтеме жасап.
Мәліметке сәйкес, бұл - Димаштың шығармаларының Бельгия радиосында алғаш рет шырқалуы емес. Dears фан-клубының көпжылдық қолдауының арқасында әншінің 60-тан астам туындысы Бельгиядағы түрлі радиостанциялардың эфирінен тыңдарманға жол тартқан.
Сонымен қатар бұған дейін AFM Radio эфирінде қазақстандық өнерпаздың шығармашылығына арналған екі сағаттық арнайы бағдарламалар да ұйымдастырылған.
Айта кетейік, «AQERKE» - Димаш Құдайбергеннің тыңдарманға жақында ғана ұсынылған жаңа әндерінің бірі. Композиция шетелдік радиостанция эфирінен орын алып, қазақстандық әншінің халықаралық аудитория арасындағы танымалдылығының артып келе жатқанын тағы бір мәрте көрсетті.
