قازاقستاندىق ەنشٸ ديماش قۇدايبەرگەننٸڭ ورىنداۋىنداعى جاڭا «AQERKE» كومپوزيتسيياسى بەلگييانىڭ لەج قالاسىنداعى AFM Radio ەفيرٸنەن بەرٸلدٸ, دەپ حابارلايدى ult.kz, DimashNews سايتىنا سٸلتەمە جاساپ.
مەلٸمەتكە سەيكەس, بۇل - ديماشتىڭ شىعارمالارىنىڭ بەلگييا راديوسىندا العاش رەت شىرقالۋى ەمەس. Dears فان-كلۋبىنىڭ كٶپجىلدىق قولداۋىنىڭ ارقاسىندا ەنشٸنٸڭ 60-تان استام تۋىندىسى بەلگيياداعى تٷرلٸ راديوستانتسييالاردىڭ ەفيرٸنەن تىڭدارمانعا جول تارتقان.
سونىمەن قاتار بۇعان دەيٸن AFM Radio ەفيرٸندە قازاقستاندىق ٶنەرپازدىڭ شىعارماشىلىعىنا ارنالعان ەكٸ ساعاتتىق ارنايى باعدارلامالار دا ۇيىمداستىرىلعان.
ايتا كەتەيٸك, «AQERKE» - ديماش قۇدايبەرگەننٸڭ تىڭدارمانعا جاقىندا عانا ۇسىنىلعان جاڭا ەندەرٸنٸڭ بٸرٸ. كومپوزيتسييا شەتەلدٸك راديوستانتسييا ەفيرٸنەن ورىن الىپ, قازاقستاندىق ەنشٸنٸڭ حالىقارالىق اۋديتورييا اراسىنداعى تانىمالدىلىعىنىڭ ارتىپ كەلە جاتقانىن تاعى بٸر مەرتە كٶرسەتتٸ.
