قازاقستاندىق شوۋ-بيزنەس ٶكٸلدەرٸنٸڭ اراسىندا قوعامدىق تەرتٸپتٸ بۇزعانى, پوليتسييا تالابىنا باعىنباعانى ٷشٸن سوت الدىندا جاۋاپ بەرگەندەر بار, دەپ حابارلايدى ult.kz.
قايرات نۇرتاس
2024 جىلعى شٸلدەدە قايرات نۇرتاستىڭ الماتىدان استاناعا ۇشىپ بارا جاتقان ۇشاقتا جانجالداسقانى بەلگٸلٸ بولدى. وقيعادان كەيٸن ەنشٸگە قاتىستى ەكٸمشٸلٸك ٸس قارالدى.

5 شٸلدەدە استانانىڭ ەكٸمشٸلٸك سوتى ونى بٸر جىل ٸشٸندە قايتالاپ ۇساق بۇزاقىلىق جاساعانى ٷشٸن كٸنەلٸ دەپ تانىپ, 15 تەۋلٸككە ەكٸمشٸلٸك قاماۋعا الۋ جازاسىن تاعايىندادى. ال دەنساۋلىققا جەڭٸل زييان كەلتٸرۋگە قاتىستى ٸس تاراپتاردىڭ تاتۋلاسۋىنا بايلانىستى توقتاتىلعان.
ەنشٸنٸڭ قورعاۋشىسى سوت قاۋلىسىنا شاعىمدانعانىمەن, 9 شٸلدەدە اپەللياتسييالىق ساتى شەشٸمدٸ ٶزگەرٸسسٸز قالدىردى. وسىلايشا قاماۋ تۋرالى قاۋلى زاڭدى كٷشٸنە ەندٸ.
تٶرەعالي تٶرەەلٸ
تٶرەعالي تٶرەەلٸنٸڭ پوليتسييامەن بولعان وقيعاسى 2023 جىلى قوعامدا كەڭ تالقىلاندى. سول جىلعى 14 ماۋسىمدا الماتىدا تەرتٸپ ساقشىلارى ەنشٸ باسقارعان Lexus كٶلٸگٸن توقتاتقان.
سوت مەلٸمەتٸنشە, ول پوليتسييا قىزمەتكەرلەرٸنٸڭ بٸرنەشە رەت قويعان زاڭدى تالابىن ورىنداۋدان باس تارتىپ, ولارعا بالاعات سٶز ايتقان. وسى وقيعاعا بايلانىستى قىلمىستىق كودەكستٸڭ 378-بابىنىڭ 1-بٶلٸگٸ بويىنشا ٸس قارالدى.

2023 جىلعى 22 قىركٷيەكتە الماتىنىڭ تٷركسٸب اۋداندىق سوتى ەنشٸنٸ كٸنەلٸ دەپ تانىپ, 40 ساعاتقا دەيٸن قوعامدىق جۇمىسقا تارتۋ جازاسىن تاعايىنداعان. سوت حابارلاماسى جارييالانعان كەزدە بۇل شەشٸم زاڭدى كٷشٸنە ەنبەگەن ەدٸ. بۇدان بٶلەك, ەنشٸ سول جىلعى ماۋسىمدا كٶلٸكتٸ ەسٸرتكٸلٸك ماساڭ كٷيدە باسقارعانى ٷشٸن 20 تەۋلٸككە ەكٸمشٸلٸك قاماۋعا الىنىپ, جەتٸ جىلعا جٷرگٸزۋشٸ كۋەلٸگٸنەن ايىرىلعان.
ەبدٸجاپپار ەلقوجا
2024 جىلعى 6 شٸلدەدە ەبدٸجاپپار ەلقوجانىڭ پوليتسييا قىزمەتكەرٸنٸڭ زاڭدى تالابىنا باعىنباعانى ٷشٸن 10 تەۋلٸككە ەكٸمشٸلٸك قاماۋعا الىنعانى حابارلاندى.

الماتى وبلىستىق پوليتسيياسىنىڭ مەلٸمەتٸنشە, قوناەۆتا تەرتٸپ ساقشىلارى جٷرگٸزۋشٸ كۋەلٸگٸنەن ايىرىلعانىنا قاراماستان كٶلٸك باسقارعان ادامدى توقتاتقان. قۇجات رەسٸمدەلٸپ جاتقان كەزدە وقيعا ورنىنا باسقا كٶلٸكپەن كەلگەن ەبدٸجاپپار ەلقوجا پوليتسييا جۇمىسىنا كەدەرگٸ كەلتٸرٸپ, قارسىلىق كٶرسەتكەن.
ۆەدومستۆو مەديتسينالىق كۋەلاندىرۋ نەتيجەسٸندە ەنشٸنٸڭ ورتاشا دەرەجەدە ماس بولعانى انىقتالعانىن مەلٸمدەدٸ. سوت وعان پوليتسييا تالابىنا باعىنباعانى ٷشٸن جازا تاعايىنداعان.
الماس كٸشكەنباەۆ
2025 جىلعى 5 اقپاندا الماتىدا الماس كٸشكەنباەۆقا قاتىستى ەكٸمشٸلٸك ٸستٸڭ قارالعانى بەلگٸلٸ بولدى. سوت وتىرىسى جابىق ٶتكەن.

سوت حابارلاماسىنا سەيكەس, ەنشٸ ماس كٷيٸندە جەكە تۇلعاعا زەبٸرلەپ تيٸسٸپ, قوعامدىق تەرتٸپ پەن تىنىشتىقتى بۇزعان. وتىرىستا ول وقيعانىڭ مەن-جايى ەسٸندە جوق ەكەنٸن ايتقان.
سوت الماس كٸشكەنباەۆتى ەكٸمشٸلٸك قۇقىق بۇزۋشىلىق تۋرالى كودەكستٸڭ 434-بابىنىڭ 1-بٶلٸگٸ بويىنشا كٸنەلٸ دەپ تانىپ, 15 تەۋلٸككە قاماۋعا الۋ جازاسىن تاعايىندادى. اقپارات جارييالانعان سەتتە قاۋلى زاڭدى كٷشٸنە ەنبەگەن.
بەيبٸت قورعان
2025 جىلعى قىركٷيەكتە بەيبٸت قورعان الماتى–اتىراۋ رەيسٸندەگٸ تەرتٸپسٸزدٸككە بايلانىستى جاۋاپقا تارتىلدى.

كٶلٸك پوليتسيياسىنىڭ مەلٸمەتٸنشە, ەنشٸ ماس كٷيٸندە بالاعات سٶز ايتىپ, ەۋە كومپانيياسى قىزمەتكەرلەرٸنٸڭ تالاپتارىن ورىنداماعان. اتىراۋ ەۋەجايىندا ونى پوليتسييا قىزمەتكەرلەرٸ ۇستاعان.
“اق جايىق” باسىلىمىنىڭ وبلىستىق سوتتىڭ باسپاسٶز قىزمەتٸنە سٷيەنگەن حابارىندا ەنشٸنٸڭ ۇساق بۇزاقىلىق جاساعانى جەنە پوليتسييانىڭ زاڭدى تالاپتارىنا باعىنباعانى ٷشٸن كٸنەلٸ دەپ تانىلعانى جازىلعان. وعان جالپى 196 600 تەڭگە ەكٸمشٸلٸك ايىپپۇل سالىنعان. سوت جازا تاعايىنداعاندا ونىڭ كٸنەسٸن مويىنداپ, ٶكٸنٸش بٸلدٸرگەنٸن ەسكەرگەن.