Қазақстан Тәуелсіздігіне 25 жыл

“Politsiiany qorlaǵan, tártipke baǵynbaǵan”: Isti bolǵan ánshiler kim?

“Politsiiany qorlaǵan, tártipke baǵynbaǵan”: Isti bolǵan ánshiler kim?
Foto: Neirojeli arqyly jasaldy

Qazaqstandyq shoý-biznes ókilderiniń arasynda qoǵamdyq tártipti buzǵany, politsiia talabyna baǵynbaǵany úshin sot aldynda jaýap bergender bar, dep habarlaidy ult.kz.

Qairat Nurtas

2024 jylǵy shildede Qairat Nurtastyń Almatydan Astanaǵa ushyp bara jatqan ushaqta janjaldasqany belgili boldy. Oqiǵadan keiin ánshige qatysty ákimshilik is qaraldy.

5 shildede Astananyń ákimshilik soty ony bir jyl ishinde qaitalap usaq buzaqylyq jasaǵany úshin kináli dep tanyp, 15 táýlikke ákimshilik qamaýǵa alý jazasyn taǵaiyndady. Al densaýlyqqa jeńil ziian keltirýge qatysty is taraptardyń tatýlasýyna bailanysty toqtatylǵan.

Ánshiniń qorǵaýshysy sot qaýlysyna shaǵymdanǵanymen, 9 shildede apelliatsiialyq saty sheshimdi ózgerissiz qaldyrdy. Osylaisha qamaý týraly qaýly zańdy kúshine endi.

Tóreǵali Tóreáli

Tóreǵali Tóreáliniń politsiiamen bolǵan oqiǵasy 2023 jyly qoǵamda keń talqylandy. Sol jylǵy 14 maýsymda Almatyda tártip saqshylary ánshi basqarǵan Lexus kóligin toqtatqan.

Sot málimetinshe, ol politsiia qyzmetkerleriniń birneshe ret qoiǵan zańdy talabyn oryndaýdan bas tartyp, olarǵa balaǵat sóz aitqan. Osy oqiǵaǵa bailanysty Qylmystyq kodekstiń 378-babynyń 1-bóligi boiynsha is qaraldy.

2023 jylǵy 22 qyrkúiekte Almatynyń Túrksib aýdandyq soty ánshini kináli dep tanyp, 40 saǵatqa deiin qoǵamdyq jumysqa tartý jazasyn taǵaiyndaǵan. Sot habarlamasy jariialanǵan kezde bul sheshim zańdy kúshine enbegen edi. Budan bólek, ánshi sol jylǵy maýsymda kólikti esirtkilik masań kúide basqarǵany úshin 20 táýlikke ákimshilik qamaýǵa alynyp, jeti jylǵa júrgizýshi kýáliginen aiyrylǵan.

Ábdijappar Álqoja

2024 jylǵy 6 shildede Ábdijappar Álqojanyń politsiia qyzmetkeriniń zańdy talabyna baǵynbaǵany úshin 10 táýlikke ákimshilik qamaýǵa alynǵany habarlandy.

Almaty oblystyq politsiiasynyń málimetinshe, Qonaevta tártip saqshylary júrgizýshi kýáliginen aiyrylǵanyna qaramastan kólik basqarǵan adamdy toqtatqan. Qujat rásimdelip jatqan kezde oqiǵa ornyna basqa kólikpen kelgen Ábdijappar Álqoja politsiia jumysyna kedergi keltirip, qarsylyq kórsetken.

Vedomstvo meditsinalyq kýálandyrý nátijesinde ánshiniń ortasha dárejede mas bolǵany anyqtalǵanyn málimdedi. Sot oǵan politsiia talabyna baǵynbaǵany úshin jaza taǵaiyndaǵan.

Almas Kishkenbaev

2025 jylǵy 5 aqpanda Almatyda Almas Kishkenbaevqa qatysty ákimshilik istiń qaralǵany belgili boldy. Sot otyrysy jabyq ótken.

Sot habarlamasyna sáikes, ánshi mas kúiinde jeke tulǵaǵa zábirlep tiisip, qoǵamdyq tártip pen tynyshtyqty buzǵan. Otyrysta ol oqiǵanyń mán-jaiy esinde joq ekenin aitqan.

Sot Almas Kishkenbaevty Ákimshilik quqyq buzýshylyq týraly kodekstiń 434-babynyń 1-bóligi boiynsha kináli dep tanyp, 15 táýlikke qamaýǵa alý jazasyn taǵaiyndady. Aqparat jariialanǵan sátte qaýly zańdy kúshine enbegen.

Beibit Qorǵan

2025 jylǵy qyrkúiekte Beibit Qorǵan Almaty–Atyraý reisindegi tártipsizdikke bailanysty jaýapqa tartyldy.

Kólik politsiiasynyń málimetinshe, ánshi mas kúiinde balaǵat sóz aityp, áýe kompaniiasy qyzmetkerleriniń talaptaryn oryndamaǵan. Atyraý áýejaiynda ony politsiia qyzmetkerleri ustaǵan.

“Aq Jaiyq” basylymynyń oblystyq sottyń baspasóz qyzmetine súiengen habarynda ánshiniń usaq buzaqylyq jasaǵany jáne politsiianyń zańdy talaptaryna baǵynbaǵany úshin kináli dep tanylǵany jazylǵan. Oǵan jalpy 196 600 teńge ákimshilik aiyppul salynǵan. Sot jaza taǵaiyndaǵanda onyń kinásin moiyndap, ókinish bildirgenin eskergen.