Қазақстан Тәуелсіздігіне 25 жыл

Dariǵa Badyqovanyń eks-kúieýiniń júdeý júzi eldi alańdatty

Dariǵa Badyqovanyń eks-kúieýiniń júdeý júzi eldi alańdatty
Foto: Neirojeli arqyly jasaldy

Aktrisa Dariǵa Badyqovanyń burynǵy jubaiy, akter ári prodiýser Darhan Musaevtyń júdeý kóringen kelbeti jurt nazaryn aýdardy. Óner iesiniń syrtqy beinesine alańdaǵandar onyń jaǵdaiyn bilgisi kelgen, dep habarlaidy ult.kz.

Darhan Musaev sońǵy ýaqytta shyǵarmashylyq jumysyna den qoiyp júr. Akterlikpen qatar, kino óndirisine aralasyp, prodiýser retinde de eńbek etip keledi. Áleýmettik jelidegi paraqshasynda jańa jobalary týraly habarlap, án men terme oryndaǵan beinejazbalaryn bólisedi. Qazanda onyń dombyramen terme aitqan videosy da jurt nazaryna ilikken edi.

Qazir Musaev prodiýserlik etken “Súiemin deshi” filminiń kórermenge jol tartatyny belgili boldy. Malim.kz buǵan deiin habarlaǵandai, týyndy 1 jeltoqsannan bastap elimizdiń kinoteatrlarynda kórsetiledi. Film mahabbat pen saǵynyshty, ázil men kútpegen oqiǵalardy arqaý etedi. Kartina 16 jastan asqan kórermenge arnalǵan.

Týyndyda Tuńǵyshbai Jamanqulov, Aqniet Oryntai, Ámirhan Orazbaq, Elmira Qalbai, Qýandyq Júnisov jáne ózge de akterler oinaidy. Rejisseri – Ardaq Báltaev. Darhan Musaev pen Oljas Rahymǵazy filmniń prodiýserleri bolsa, bas prodiýseri – Hairol Marhaba. 

Darhan Musaev kim? 


Darhan Musaev kórermenge “Kúieý bala” telehikaiasy arqyly tanys. Bul jobada ol Dariǵa Badyqovamen birge erli-zaiyptylardyń rólin somdaǵan.

Onyń shyǵarmashylyq joly Muhtar Áýezov atyndaǵy Qazaq ulttyq drama teatrymen de bailanysty. Akter teatr sahnasynda “Don Sezar de Bazan” qoiylymyndaǵy Kapitan rólin oryndaǵan.

Buǵan deiin Musaev Dariǵa Badyqovamen ajyrasqanyn ózi habarlaǵan bolatyn.

Onyń aitýynsha, ekeýi 2008 jylǵy 11 tamyzda zańdy nekege turyp, 16 jyl birge ómir súrgen. Al 2024 jyldyń kúzinde nekelerin buzǵan. Óner iesi bul týraly 2025 jyly kópshilikke málimdegen.