Қазақстан Тәуелсіздігіне 25 жыл

Muhamedjan Tazabektiń qyzy ákesi týraly syr shertti

Muhamedjan Tazabektiń qyzy ákesi týraly syr shertti
Foto: Neirojeli arqyly jasaldy

Aqyn Muhamedjan Tazabektiń qyzy áleýmettik jelide ákesi týraly jazba jariialap, onyń bala tárbiesindegi ustanymy men ózine kórsetken qamqorlyǵyn áńgimeledi, dep habarlaidy ult.kz.

Jazba avtorynyń aitýynsha, kópshilik ákesiniń dosqa, aǵa men inige qandai adam ekenin bilgenimen, otbasyndaǵy ákelik bolmysyn bile bermeidi. Sondyqtan ol ákesi týraly óz oiyn bólisýdi jón kórgen.

“Úidegilerdiń ishinde ákeme tartyp, shyǵarmashylyqqa jaqyn bolyp ósken – men. Sońǵy jyldary qaida barsa da meni qasyna ertip júr. Ortasyn kóremin, jumysyna aralasamyn, ómirdi ákemniń janynda júrip úirenip kelemin”, – dep jazdy ol.

Onyń sózinshe, ákesi qyz balasy bolǵany úshin talabyn shektemegen. Kerisinshe, el kórip, til úirenýine, bilim alyp, óz jolyn tabýyna qoldaý kórsetken.

“Qyzsyń ǵoi” degen sózdi ákemnen bir ret te estigen emespin. Kerisinshe, kózqarasym keń bolsyn dep talai eldi kórsetti, til úirenýime sebepker boldy, bilimim men damýym úshin eshteńesin aiaǵan emes”, – deidi aqynnyń qyzy.

Ol ákesiniń kúndelikti ómirde de erkeligin kóterip, qatelikterine túsinistikpen qaraitynyn aitqan. Tapsyrǵan jazbasyn ýaqytynda jariialamai qalsa da, ystyq shaidyń ornyna salqyn sý ákelse de, ákesiniń qabaq shytpaǵanyn mysalǵa keltirgen.

Aita keteiik, Maqpal Júnisova anasynyń 90 jasyn nege dúrkiretip ótkizbegenin túsindirdi.

Muhamedjan Tazabek kim?

Muhamedjan Orazbaiuly Tazabek — aitysker aqyn, mediamenedjer. 1975 jylǵy 3 shildede Jambyl oblysy Baizaq aýdanynyń Shahan aýylynda dúniege kelgen. Respýblikalyq jáne halyqaralyq aitystarda júlde alyp, kópshilikke sýyrypsalma aqyn retinde tanylǵan.

Keiin televiziia salasyna bet buryp, “Asyl arna” telearnasynyń negizin qalaǵan ári basqarǵan.

Onyń kópshilik aldynda aitatyn oilary men áleýmettik jelidegi jazbalary tárbie, otbasy jáne rýhaniiat taqyryptaryn qamtidy.