Қазақстан Тәуелсіздігіне 25 жыл

Aqtóbedegi jumbaq ólim: janarmai beketi basshysyna qatysty aqparat tarady

Aqtóbedegi jumbaq ólim: janarmai beketi basshysyna qatysty aqparat tarady
ashyq derekkóz

Aqtóbe oblysynda er adamnyń ólimine qatysty qylmystyq is tergelip jatyr. Áleýmettik jelilerde qaza tapqan azamat janarmai quiý beketteri jelisiniń direktory bolýy múmkin degen aqparat tarady. Alaida onyń jeke basy ázirge resmi rastalǵan joq, dep habarlaidy ult.kz.

Jergilikti pablikterde Bogoslov tasjolynda túsirilgen beinejazba jariialandy. Kadrlardan oqiǵa ornynda politsiia kólikteri men kriminalisterdiń jumys istep jatqanyn kórýge bolady.

Aqtóbe oblystyq politsiia departamenti oq jaraqaty bar er adamnyń máiiti tabylǵanyn rastady. Qazir kúdiktini anyqtap, ustaýǵa baǵyttalǵan tergeý jáne jedel-izdestirý sharalary júrgizilip jatyr.

«Ózge aqparat tergeý múddesine bailanysty jariialaýǵa jatpaidy», – dep habarlady politsiianyń baspasóz qyzmeti.

Sondai-aq tártip saqshylary turǵyndardy jalǵan aqparat taratpaýǵa jáne tek resmi derekkózderge senýge shaqyrdy.

Budan bólek, jergilikti pablikterde Orsk baǵytyndaǵy tasjoldan kúdiktiniń kóligi tabylǵan bolýy múmkin degen aqparat tarady. Alaida bul málimet te ázirge resmi rastalǵan joq.