Ál-Farabi atyndaǵy Qazaq ulttyq ýniversitetinde taǵy da stýdent ólimi tirkeldi. Geografiia jáne tabiǵatty paidalaný fakýltetiniń birinshi kýrs stýdenti qaza tapty. Áleýmettik jelide taraǵan aqparatqa sáikes, qaiǵyly oqiǵa aldynda stýdentter arasynda tóbeles bolǵan, dep habarlaidy ult.kz.
Almaty qalalyq politsiia departamentiniń málimetinshe, atalǵan derek boiynsha Bostandyq aýdandyq politsiia basqarmasy qylmystyq is qozǵaǵan. Kúdikti ustaldy.
Ázirge stýdenttiń naqty qandai jaǵdaida kóz jumǵany belgisiz. Oqiǵanyń mán-jaiy tergeý barysynda anyqtalady.
Ýniversitettiń baspasóz qyzmeti marqumnyń ata-anasy men jaqyndaryna kóńil aityp, quqyq qorǵaý organdary tergeý júrgizip jatqanyn habarlady. Oqý orny istiń jan-jaqty ári ádil qaralýyna qoldaý kórsetetinin málimdedi.
Sonymen qatar ýniversitet ókilderi qoǵamdy marqumnyń otbasyna qurmetpen qarap, resmi rastalmaǵan aqparatty taratpaýǵa shaqyrdy.
Eske salaiyq, buǵan deiin de QazUÝ stýdentiniń ólimine qatysty qylmystyq is qozǵalǵan bolatyn. Al Ǵylym jáne joǵary bilim ministri Saiasat Nurbek sol oqiǵaǵa bailanysty pikir bildirip, ýniversitet basshylyǵy marqumnyń otbasyna qajetti kómek kórsetkenin aitqan edi.