Қазақстан Тәуелсіздігіне 25 жыл

Ákesi qyzynyń erninen súigen: politsiia tekserý qorytyndysyn jariialady

Ákesi qyzynyń erninen súigen: politsiia tekserý qorytyndysyn jariialady
videodan skrinshot

Shyǵys Qazaqstan oblysynyń ortalyǵynda ákesiniń qyzyn erninen súigeni túsirilgen rezonansty videoǵa qatysty politsiia tekserýdi aiaqtady. Er adamnyń áreketinen qylmystyq nemese ákimshilik quqyqbuzýshylyq quramy anyqtalmaǵan. Alaida Oqý-aǵartý ministri Juldyz Súleimenova mundai qarym-qatynas túrin orynsyz dep baǵalady, dep habarlaidy ult.kz.

Zakon.kz habarlaýynsha, 16 qarashada Quryltaida ótken brifingte IIM Iývenaldy politsiia basqarmasynyń basshysy Ashat Dúisembekov tekserý nátijesin jariialady.

Onyń aitýynsha, politsiiaǵa habarlama túskennen keiin jan-jaqty tekserý júrgizilgen. Nátijesinde qylmystyq nemese ákimshilik quqyqbuzýshylyq quramy bolmaǵandyqtan, materialdar nomenklatýralyq iske tirkelgen.

Jýrnalister Oqý-aǵartý ministri Juldyz Súleimenovadan bul jaǵdaiǵa balanyń psihologiialyq saýlyǵy men jeke shekarasy turǵysynan baǵa berýin surady.

Ministr mundai qarym-qatynas túrine jol berilmeitinin aityp, balalarǵa jeke shekarasyn qorǵaýdy úiretý mańyzdy ekenin atap ótti.

«Ár bala neniń durys, neniń burys ekenin túsinýi kerek», – dedi ministr.

Sondai-aq ol biyl Qazaqstanda «Jeke qaýipsizdik» kýrsy engizilgenin eske saldy. Onyń aiasynda jetinshi synyptan bastap pedagog-psihologtar oqýshylarǵa jeke shekarany saqtaý máselelerin túsindiredi.

Aita keteiik, buǵan deiin Óskemende ákesiniń kámeletke tolmaǵan qyzyn týǵan kúnimen quttyqtaǵan videosy qoǵamda talqylandy.