Ulttyq ǵylymi meditsinalyq ortalyqtyń mamandary platsenta men kindik baýynyń diń jasýshalary negizinde biomeditsinalyq ónim ázirleýde. Sonymen qatar ortalyqta onkologiialyq aýrýlardy gendik deńgeide anyqtaýǵa múmkindik beretin molekýlalyq-genetikalyq diagnostika ádisteri engizilip jatyr, dep habarlaidy ult.kz.
Jasýshalyq ónimdi ázirleý jumystary 2025–2027 jyldarǵa arnalǵan ǵylymi baǵdarlama aiasynda júrgizilýde. Ǵalymdar diń jasýshalarynyń qabyný protsesterin retteý jáne tinderdi zaqymdanýdan qorǵaý qasietterin zerttep jatyr. Sondai-aq preparattyń biologiialyq qasietterin uzaq ýaqyt saqtaýǵa múmkindik beretin liofilizatsiia tehnologiiasy ázirlenýde.
Bolashaqta bul ónimdi qant diabeti, insýlt, júrek jetkiliksizdigi, aýtoimmýndyq aýrýlar, bedeýlik jáne julyn jaraqattaryn emdeýde qoldaný josparlanǵan.
Budan bólek, ortalyqta DNQ-mikrochipter men jańa býyn sekvenirleý (NGS) tehnologiialary engizilýde. DNQ-mikrochipter shamamen 1000 gendi taldaýǵa múmkindik beredi. Bul ádister onkologiialyq aýrýlar kezinde paida bolatyn genetikalyq ózgeristerdi anyqtap, ár naýqasqa jeke emdeý tásilin tańdaýǵa kómektesedi.
Ulttyq ǵylymi meditsinalyq ortalyq mamandary aýtoimmýndyq aýrýlardyń genetikalyq jáne immýnologiialyq erekshelikterin de zerttep jatyr. Sonymen qatar semizdik pen Kron aýrýyn emdeýge arnalǵan jańa preparattardyń halyqaralyq klinikalyq zertteýlerine qatysýda.
Ǵylymi jumystardyń negizgi maqsaty – otandyq meditsinalyq ázirlemelerdi klinikalyq tájiribege engizý úderisin jedeldetý.