Қазақстан Тәуелсіздігіне 25 жыл

Almatyda Ermek Serkebaevtyń 100 jyldyǵyna arnalǵan opera festivali ótti

Almatyda Ermek Serkebaevtyń 100 jyldyǵyna arnalǵan opera festivali ótti
QR MAM

Abai atyndaǵy Qazaq ulttyq opera jáne balet teatrynda kórnekti opera ánshisi, halyq ártisi Ermek Serkebaevtyń týǵanyna 100 jyl tolýyna arnalǵan festival ótti, dep habarlaidy ult.kz.

Óner iesiniń jarty ǵasyrdan astam shyǵarmashylyq joly Abai atyndaǵy teatrmen tyǵyz bailanysty boldy. Ol áigili operalyq partiialaryn osy sahnada oryndady.

Festival Djoakkino Rossinidiń «Sevildik shashtaraz» operasymen ashyldy. Osy qoiylymdaǵy Figaro partiiasyn sheber oryndaǵan Ermek Serkebaev «KSRO-nyń úzdik Figarosy» atanǵan bolatyn. Festivalde Ahmet Jubanov pen Latif Hamididiń «Abai» operasy da sahnalandy. Ermek Serkebaev osy týyndyda óziniń eń tanymal sahnalyq beineleriniń birin somdaǵan.

Festival teatrdyń jetekshi solisteri men halyqaralyq baiqaýlardyń laýreattary qatysqan gala-kontsertpen aiaqtaldy. Kontsertte Tatarstan Respýblikasynyń halyq ártisi, Resei men Qazaqstannyń eńbek sińirgen ártisi Renat Salavatov jáne teatrdyń bas dirijeri, Qazaqstannyń eńbek sińirgen qairatkeri Nurjan Baibosynov dirijerlik etti.

Qurmetti qonaqtar qatarynda Ermek Serkebaevtyń jary Álfiia Baijanova, baýyry, dirijer Murat Serkebaev, Jámila Serkebaeva jáne ózge de jaqyndary, sondai-aq áriptesteri men ánshiniń ónerin qadir tutatyn jandar boldy.

Sonymen qatar teatr foiesinde ánshiniń qyzy Irina Serkebaeva jazǵan «I jizn, i molodost, i schaste…» kitabynyń ekinshi basylymy tanystyryldy. Kitap Ermek Serkebaevtyń ómiri men shyǵarmashylyǵyna arnalǵan.

Festival Ermek Serkebaevtyń 100 jyldyǵyna arnalǵan mereitoilyq is-sharalardyń jalǵasy boldy. Buǵan deiin Abai atyndaǵy teatr ujymy 18 qyrkúiekte Parijdegi IýNESKO-nyń shtab-páterinde «Dáýir úni» atty gala-kontsert usynǵan bolatyn.

Mereitoilyq is-sharalar otandyq opera óneriniń damýyna eleýli úles qosqan Ermek Serkebaevtyń shyǵarmashylyq murasyn saqtaýǵa jáne keńinen nasihattaýǵa baǵyttalǵan.