Қазақстан Тәуелсіздігіне 25 жыл

Eki ret aqtalyp, úshinshi sotta jazalandy: Atbasardaǵy koloniia qyzmetkerlerine úkim shyqty

Eki ret aqtalyp, úshinshi sotta jazalandy: Atbasardaǵy koloniia qyzmetkerlerine úkim shyqty
ashyq derekkóz

Atbasardaǵy túzeý mekemesinde jazasyn óteýshilerdi uryp-soǵý isi boiynsha Qylmystyq-atqarý júiesi komitetiniń (QAJK) 12 qyzmetkerine úkim shyqty. Sot olardyń árqaisysyna bir jylǵa bas bostandyǵyn shekteý jazasyn taǵaiyndady. Buǵan deiin aiyptalýshylar eki ret aqtalǵanymen, prokýratýranyń narazylyǵynan keiin eki úkimniń de kúshi joiylǵan, dep habarlaidy ult.kz.

Bul joly qyzmetkerlerge QR Qylmystyq kodeksiniń 362-babynyń 1-bóligi, iaǵni laýazymdyq ókilettikterin asyra paidalaný boiynsha aiyp taǵyldy.

Sot raqymshylyq týraly zańdy qoldanyp, sottalǵandardy úsh jyl boiy quqyq qorǵaý organdarynda, memlekettik qyzmette jáne jergilikti ózin-ózi basqarý organdarynda laýazym atqarý quqyǵynan aiyrdy. Sondai-aq olar arnaýly ataqtarynan aiyrylyp, probatsiialyq baqylaýǵa alyndy.

Úsh sottalýshy sot protsesi kezinde qamaýda bolǵandyqtan, jazasyn ótegen bolyp eseptelip, jazadan bosatyldy. Qalǵandary jylyna 100 saǵat májbúrli eńbekke tartylady.

Budan bólek, sot jábirlenýshilerdiń moraldyq ziiandy óteý týraly talaptaryn ishinara qanaǵattandyrdy. Ár jábirlenýshige 500 myń teńgeden 1,5 million teńgege deiin ótemaqy tóleý týraly sheshim shyǵaryldy.

Sot úkimi ázirge zańdy kúshine engen joq.

Eske salaiyq, 2023 jyly áleýmettik jelide Atbasar aýdanyndaǵy №1 túzeý mekemesi qyzmetkerleriniń dárethana tazalaýdan bas tartqan jazasyn óteýshini uryp-soqqan videosy taraǵan edi. Osy oqiǵadan keiin QAJ departamentiniń bastyǵy, onyń orynbasary jáne koloniia bastyǵy qyzmetinen bosatyldy.

2025 jylǵy aqpanda 12 qyzmetker alqabilerdiń sheshimimen aqtaldy. Alaida prokýratýra narazylyq bildirip, úkimniń kúshi joiyldy. Keiingi sot otyrysynda olar ekinshi ret aqtalǵanymen, oblystyq sot bul sheshimdi de buzyp, isti qaita qaraýǵa jiberdi.

2026 jylǵy 4 mamyrda qylmystyq is Atbasar aýdandyq sotyna joldandy. Nátijesinde qyzmetkerlerge basqa bap boiynsha aiyp taǵylyp, bir jylǵa bas bostandyǵyn shekteý jazasy taǵaiyndaldy.