Қазақстан Тәуелсіздігіне 25 жыл

Úsh jyl boiy iz-túzsiz ketken: Abai oblysynda sottalǵan adam kisi óltirgenin moiyndady

Úsh jyl boiy iz-túzsiz ketken: Abai oblysynda sottalǵan adam kisi óltirgenin moiyndady
stan.kz

Abai oblysynda úsh jyldan astam ýaqyt buryn joǵalyp ketken er adamnyń ólimine qatysty qylmys ashyldy. Kisi óltirdi degen kúdikke ilingen azamat keiin basqa qylmysy úshin sottalyp, koloniiada jazasyn ótep jatqan jerinen anyqtaldy, dep habarlaidy ult.kz.

Oqiǵa 2023 jyldyń qyrkúieginde bastalǵan. Sol kezde jergilikti turǵyn politsiiaǵa habarlasyp, jumys isteý úshin basqa jaqqa ketken joldasynyń habarsyz ketkenin aitqan. Er adam otbasymen bailanysyn kenetten úzgen.

Politsiia aýqymdy izdestirý jumystaryn júrgizgenimen, bastapqyda esh nátije bolmaǵan. Degenmen is jabylmai, jedel qyzmetkerler joǵalǵan azamattyń bailanysta bolǵan adamdaryn tekserýdi jalǵastyrǵan.

Tekserý barysynda kúdik óńir turǵynyna tústi. Onyń 2023 jyldyń kúzinen keiin basqa qylmys jasap, sottalǵany jáne jazasyn koloniiada ótep jatqany anyqtaldy.

Ishki ister ministrliginiń málimetinshe, qosymsha jedel sharalar nátijesinde er adam kisi óltirgenin moiyndap, qylmystyń mán-jaiyn baiandaǵan. Sondai-aq máiit jasyrylǵan jerdi kórsetken.

Qazir tergeý aiaqtalyp, aiyptaý aktisimen birge qylmystyq is sotqa joldandy. Kúdikti endi kisi óltirý deregi boiynsha da jaýap beredi.