اباي وبلىسىندا ٷش جىلدان استام ۋاقىت بۇرىن جوعالىپ كەتكەن ەر ادامنىڭ ٶلٸمٸنە قاتىستى قىلمىس اشىلدى. كٸسٸ ٶلتٸردٸ دەگەن كٷدٸككە ٸلٸنگەن ازامات كەيٸن باسقا قىلمىسى ٷشٸن سوتتالىپ, كولونييادا جازاسىن ٶتەپ جاتقان جەرٸنەن انىقتالدى, دەپ حابارلايدى ult.kz.
وقيعا 2023 جىلدىڭ قىركٷيەگٸندە باستالعان. سول كەزدە جەرگٸلٸكتٸ تۇرعىن پوليتسيياعا حابارلاسىپ, جۇمىس ٸستەۋ ٷشٸن باسقا جاققا كەتكەن جولداسىنىڭ حابارسىز كەتكەنٸن ايتقان. ەر ادام وتباسىمەن بايلانىسىن كەنەتتەن ٷزگەن.
پوليتسييا اۋقىمدى ٸزدەستٸرۋ جۇمىستارىن جٷرگٸزگەنٸمەن, باستاپقىدا ەش نەتيجە بولماعان. دەگەنمەن ٸس جابىلماي, جەدەل قىزمەتكەرلەر جوعالعان ازاماتتىڭ بايلانىستا بولعان ادامدارىن تەكسەرۋدٸ جالعاستىرعان.
تەكسەرۋ بارىسىندا كٷدٸك ٶڭٸر تۇرعىنىنا تٷستٸ. ونىڭ 2023 جىلدىڭ كٷزٸنەن كەيٸن باسقا قىلمىس جاساپ, سوتتالعانى جەنە جازاسىن كولونييادا ٶتەپ جاتقانى انىقتالدى.
ٸشكٸ ٸستەر مينيسترلٸگٸنٸڭ مەلٸمەتٸنشە, قوسىمشا جەدەل شارالار نەتيجەسٸندە ەر ادام كٸسٸ ٶلتٸرگەنٸن مويىنداپ, قىلمىستىڭ مەن-جايىن بايانداعان. سونداي-اق مەيٸت جاسىرىلعان جەردٸ كٶرسەتكەن.
قازٸر تەرگەۋ اياقتالىپ, ايىپتاۋ اكتٸسٸمەن بٸرگە قىلمىستىق ٸس سوتقا جولداندى. كٷدٸكتٸ ەندٸ كٸسٸ ٶلتٸرۋ دەرەگٸ بويىنشا دا جاۋاپ بەرەدٸ.