Қазақстан Тәуелсіздігіне 25 жыл

Muǵalimderdiń quqyǵyn qorǵaý: Qazaqstanda biryńǵai qoldaý telefony iske qosylady

Muǵalimderdiń quqyǵyn qorǵaý: Qazaqstanda biryńǵai qoldaý telefony iske qosylady
ashyq derekkózden

Qazaqstanda pedagogterge kásibi jáne quqyqtyq máseleler boiynsha keńes beretin biryńǵai qoldaý telefonyn iske qosý josparlanyp otyr, dep habarlaidy ult.kz.

Oqý-aǵartý ministri Juldyz Súleimenovanyń aitýynsha, bul bastama Memleket basshysynyń pedagogterdiń quqyqtaryn qorǵaý tetikterin jetildirý jónindegi tapsyrmasyna sáikes qolǵa alynǵan.

Ministrdiń sózinshe, elordadaǵy iKomek qyzmetiniń tájiribesi negizinde muǵalimderge arnalǵan arnaiy bailanys ortalyǵy qurylady. Ol arqyly pedagogter kásibi qyzmetine qatysty jáne quqyqtyq máseleler boiynsha mamandardan keńes ala alady.

«Astanadaǵy iKomek qyzmetiniń úlgisi boiynsha koll-ortalyq iske qosýdy josparlap otyrmyz. Árbir muǵalim qońyraý shalyp, kásibi jáne quqyqtyq máseleler boiynsha keńes ala alady. Bul jumysty 2026 jyldyń sońynda – 2027 jyldyń basynda júzege asyrýdy josparlap otyrmyz», – dedi Juldyz Súleimenova.

Jańa qyzmet pedagogterdiń quqyqtyq saýattylyǵyn arttyrýǵa, kásibi máselelerin jedel sheshýge jáne olardyń quqyqtaryn qorǵaý tetikterin kúsheitýge baǵyttalǵan.