Қазақстан Тәуелсіздігіне 25 жыл

Qazaqstanda balalarǵa arnaiy SIM-kartalar engizilýi múmkin: ata-analar neni bilýi kerek?

Qazaqstanda balalarǵa arnaiy SIM-kartalar engizilýi múmkin: ata-analar neni bilýi kerek?
ashyq derekkózden

Qazaqstanda balalarǵa arnalǵan arnaiy SIM-kartalar engizilse, ata-analar olardy qalai satyp ala alady? Bul másele jóninde jýrnalisterdiń suraqtaryna Balalardyń quqyqtaryn qorǵaý komitetiniń tóraǵasy Iýliia Ovechkina jaýap berdi, dep habarlaidy ult.kz.

Onyń aitýynsha, balalarǵa arnalǵan SIM-kartany satyp alý tártibi kádimgi SIM-kartany satyp alýmen birdei bolady. Ony ata-analar rásimdei alady.

Negizgi aiyrmashylyǵy – mundai SIM-kartalarda balanyń belgili bir internet-kontentke qol jetkizýin shekteitin arnaiy súzgi ornatylady. Sonymen qatar ata-analar balanyń internetti paidalanýyn baqylaýǵa múmkindik beretin ata-ana baqylaýy fýnktsiiasyn qoldana alady.

«Bul kádimgi SIM-kartany satyp alý siiaqty qarapaiym rásim bolady. Bizdiń boljamymyz boiynsha, ony ata-anasy satyp alady. Bul ishinde belgili bir súzgi ornatylǵan balalarǵa arnalǵan SIM-karta bolady», – dep túsindirdi Iýliia Ovechkina.

Jýrnalister arnaiy SIM-kartalardy satyp alý barlyq ata-ana úshin mindetti bola ma degen saýal da qoidy.

Komitet tóraǵasynyń aitýynsha, bul másele áli de qarastyrylýy kerek. Depýtattardyń usynystary zerdelenip, Úkimettiń tiisti qorytyndysy daiyndalǵannan keiin jańa bastamaǵa qatysty tolyq aqparat jariialanady.