Қазақстан Тәуелсіздігіне 25 жыл

Qazaqstan Halyq Keńesi janynan Jastar qozǵalysy quryldy

Qazaqstan Halyq Keńesi janynan Jastar qozǵalysy quryldy
Ashyq derekkózderden

Qazaqstan Halyq Keńesi Jastar qozǵalysynyń quramyn aiqyndaý jumysyn aiaqtady. Onyń quramyna óz salalarynda belsendilik tanytyp júrgen 126 jas qazaqstandyq endi, dep habarlaidy ult.kz.

Qozǵalys óńirlik jáne kásibi ókildik qaǵidattaryn eskere otyryp jasaldy. Onyń quramyna jumysshy jastar, bilim jáne ǵylym salasynyń ókilderi, stýdenttik jáne mekteptegi ózin-ózi basqarý uiymdarynyń músheleri, densaýlyq saqtaý, mádeniet, kreativti indýstriia, sport, ekologiia, volonterlik jáne biznes salalarynyń ókilderi kirdi. Sondai-aq qozǵalys quramynda etnomádeni birlestikterdiń jastar qanattarynyń kóshbasshylary da bar.

Qazaqstan Halyq Keńesiniń Jastar qozǵalysynyń músheleri qatarynda energetika salasynyń ókilderi Áset Ámirbekov pen Madiiar Qinaiatov, metallýrgter Maqsat Mahanbetov pen Aleksandr Oltov, dáriger-aritmolog Sardor Iýldashev, poliglot Mádi Bazilbek, Airbus A320 ushqyshy Johar Iýnýsov, 2024 jylǵy Olimpiada oiyndarynyń kúmis júldegeri Nariman Qurbanov, 2026 jylǵy Aziia oiyndarynyń chempiondary Tamirlan Tileýles pen Erlik Sertai, memlekettik tildi dáripteýshi Anastasiia Nýgýmanova, Prezidenttik jastar kadr rezerviniń músheleri Jasulan Qýandyq pen Raýl Lindt, telejúrgizýshiler Azamat Ábilqaiyr, Alla Gavrina jáne Beksultan Ákimjan, sondai-aq Qazaqstannyń jastar qaýymdastyǵynyń ózge de belsendi ókilderi bar.

Jastar qozǵalysyn qurý týraly bastamany Soltústik Qazaqstan oblysynda ótken «Ulttyń jańa bolmysy: jastar jáne azamattyq jaýapkershilik» atty respýblikalyq jastar lageriniń qatysýshylary kóterdi. Dál osy jiynda jas qatysýshylar elimizdiń belsendi jastaryna óz bastamalaryn usynyp qana qoimai, qoǵamdyq ómirge jáne sheshimder qabyldaý úderisine tikelei qatysýǵa múmkindik beretin alań qurý týraly usynys bildirdi.

Jastar qozǵalysy jastar áleýetin biriktirýge, perspektivaly bastamalardy ilgeriletýge, ózekti máselelerdi talqylaýǵa jáne jastar saiasatyn damytý boiynsha naqty usynystar ázirleýge baǵyttalǵan mańyzdy saraptamalyq ári qoǵamdyq alańǵa ainalady dep kútilýde.

Qozǵalys músheleri Qazaqstan Halyq Keńesiniń qazirgi múshelerimen áriptestik ornatyp, turaqty komitetter men salalyq komissiialardyń jumysyna qatysady. Sondai-aq jastar kún tártibindegi ózekti máseleler boiynsha usynystar engizedi.

Osylaisha, Jastar qozǵalysy qazaqstandyq jas urpaqty qoǵamdyq úderisterge tartýdyń jáne jalpyulttyq mindetterdi sheshýge qatystyrýdyń tiimdi tetigine ainalmaq.