Astanada «01market» lombardtar jelisin uiymdastyrýshyǵa qatysty zańsyz mikrokarjylyq qyzmet kórsetý deregi boiynsha tergeý aiaqtaldy. Qylmystyq is sotqa joldandy, dep habarlaidy ult.kz.
Qarjylyq monitoring agenttiginiń málimetinshe, 2021 jyldan beri kúdiktiniń baqylaýyndaǵy «INVEST PRO KZ» JShS, «Ismagýlov R.B.» jáne «Pro Kz» jeke kásipkerlikteri tiisti litsenziiasyz qaryz berip kelgen.
Zańsyz qyzmetti jasyrý úshin olar komissiialyq saýda mámilesin rásimdegendei bolyp, klientterge kepil biletterin bergen. Alaida is júzinde azamattarǵa múlkin kepilge qoiý arqyly qolma-qol nesie usynylǵan.
Qaryz 30 kúnge berilip, kúnine 0,25 paiyzǵa deiin syiaqy eseptelgen. Merzimin uzartý úshin qosymsha tólemder men aiyppuldar alynǵan. Al qaryz ýaqytynda qaitarylmasa, kepildegi múlik satylǵan.
Agenttik dereginshe, zańsyz qyzmetten túsken tabys 102 million teńgeden asqan. Sot sanktsiiasymen múlikti tárkileýdi qamtamasyz etý maqsatynda eki páterge, úsh avtokólikke jáne eki keńsege tyiym salyndy.
Qazirgi ýaqytta qylmystyq is sottyń qaraýyna jiberildi.