Salyq jónindegi keńesshi Dmitrii Kazantsevtiń aitýynsha, jalpyǵa birdei belgilengen salyq salý rejiminde jumys isteitin kásipkerlerdiń 2026 jyl úshin salyq tóleý merzimi 2027 jyldyń naýryz-sáýir ailaryna sáikes keledi. Sarapshynyń boljamynsha, osy merzimnen keiin birqatar kásiporyn bankrotqa ushyrap, jumysyn toqtatýy múmkin, dep habarlaidy ult.kz.
Dmitrii Kazantsevtiń túsindirýinshe, qazirgi ýaqytta kásipkerler, ásirese shaǵyn biznes ókilderi, aitarlyqtai qiyndyqtarǵa tap bolyp otyr. Áli de jumysyn jalǵastyryp jatqan kásiporyndardyń ózinde tabys kólemi edáýir tómendegen.
Sarapshy muny óziniń biznesindegi jaǵdaimen túsindirdi. Onyń negizgi qyzmeti keńes berý jáne jarnama salasymen bailanysty.
- Mysaly, meniń negizgi biznesim keńes berý jáne jarnama qyzmetterine qatysty. Jańa Salyq kodeksine bailanysty biyl men burynǵy 3 paiyzdyń ornyna 26 paiyz salyq tóleýge májbúrmin. Alaida qyzmet baǵasyn da 26 paiyzǵa kótere almadym. Sebebi menimen jyldar boiy jumys istep kele jatqan turaqty klientterim bar. Olarǵa «Keshirińizder, endi baǵa osyndai bolady» dep aita almaimyn.
Nátijesinde ózimniń tabysym azaidy. Satylym kóleminen paiyz alatyn menedjerlerimniń de tabysy tómendedi. Al olardyń tabysy azaiǵan soń, satyp alý qabileti de tómendedi. Mundai jaǵdai qazir árbir bizneste qaitalanyp jatyr, – deidi Dmitrii Kazantsev.
Onyń pikirinshe, salyq júktemesiniń artýy kásipkerlerdiń qarjylyq jaǵdaiyna ǵana emes, qyzmetkerlerdiń tabysyna jáne jalpy tutynýshylyq suranysqa da keri áserin tigizip otyr.
