Qazaqstandyq kásipkerler 2027 jyly jeńildetilgen deklaratsiia negizindegi arnaýly salyq rejimin qoldanatyn kompaniialarmen jáne jeke kásipkerlermen jasalǵan B2B mámileleri boiynsha shyǵystardy salyqtyq shegerimge jatqyzýǵa salynǵan tyiymdy alyp tastaýdy kózdep otyr. Qazirgi ýaqytta bul usynys Úkimettiń qaraýynda, dep habarlaidy ult.kz.
Atalǵan shekteý jańa Salyq kodeksi kúshine engen 2026 jylǵy 1 qańtardan bastap qoldanyla bastady. Kásipkerler bul tyiymdy keri kúshpen, iaǵni 2026 jyldyń 1 qańtarynan bastap joiýdy usynyp otyr. Osylaisha, kásipkerlerge aldaǵy kóktemde ótken jyl úshin joǵary mólsherde salyq tóleýge týra kelmeidi.
«Qazirgi ýaqytta Ulttyq kásipkerler palatasy, Respublika partiiasy jáne basqa da partiialar arqyly jalpyǵa birdei belgilengen salyq rejimin qoldanatyn kásipkerlerge jeńildetilgen rejimdegi kompaniialarmen jasalǵan B2B mámileleri boiynsha salyqtyq shegerimderdi qaita qalpyna keltirý jónindegi barlyq negizdemelerimizdi usyndyq. Qazir Úkimet bul málimetterdi aldy», – dedi Uchet.kz kompaniialar tobynyń negizin qalaýshy, salyq salasynyń sarapshysy Maksim Baryshev Astanada ótken salyq forýmynyń kýlýarynda.
Onyń aitýynsha, bul usynys 2026 jyldyń qarasha aiynyń sońyna deiin Quryltaiǵa engizilýi tiis Salyq kodeksine ózgerister men tolyqtyrýlar jobasyna engiziledi degen úmit bar.
«Eger qazir B2B mámileleri boiynsha salyqtyq shegerimder qaita qalpyna keltirilmese, 2026 jyly jumysyn jalǵastyryp jatqan kásipkerlerdiń bir bóligi 2027 jylǵy naýryz-sáýir ailarynda salyq tóleýge qarajat tappai qalýy múmkin. Sebebi olar jeńildetilgen salyq rejimin qoldanatyn kásipkerlermen jasalǵan mámileler boiynsha tabys salyǵyn tóleýge májbúr bolady», – dedi Uchet.kz kompaniialar tobynyń negizin qalaýshy.
Salyqtyq shegerimderge salynǵan tyiymdy alyp tastaýdan bólek, biznes ókilderi taǵy eki usynys bildirdi.
«Ekinshi usynys – eńbekaqy tóleý qorynan biýdjetke jáne biýdjetten tys qorlarǵa aýdarylatyn salyqtar men basqa da mindetti tólemderdi azaitý. Sonymen qatar olardyń barlyǵyn birtutas ári túsinikti salyqqa biriktirý qajet. Úshinshiden, kásipkerlerdi tekserý tártibi men baqylaý júiesin qaita qaraý kerek», – dep tolyqtyrdy Maksim Baryshev.
Buǵan deiin Qazaqstan Qarjy ministrligi jeńildetilgen deklaratsiia negizindegi jańartylǵan arnaýly salyq rejiminiń alǵashqy qorytyndysyn jariialaǵan bolatyn. Birinshi jartyjyldyqta jeńildetilgen rejimdi qoldanatyn kásipkerlerdiń tabysy 9,4 trln teńgege jetti. Bul ótken jyldyń sáikes kezeńimen salystyrǵanda 18,9 paiyzǵa joǵary. Byltyr osy kezeńde olardyń tabysy 7,9 trln teńgeni quraǵan edi.
Sondai-aq Ulttyq ekonomika ministrligi jańa Salyq kodeksiniń kúshine enýine bailanysty shamamen 300 myń zańdy tulǵa qyzmetin toqtatýy múmkin ekenin joqqa shyǵarmaǵan. Ministrlik ókilderiniń túsindirýinshe, bul kásipkerlerdiń biznesti jasandy túrde bólshekteý shemalaryn endi qoldana almaýymen bailanysty.
