Kóliktegi politsiia qyzmetkerleri ońtústik óńirlerden Astanaǵa esirtki jetkizý arnasyn áshkereledi. Kúdikke ilingen eki adam ustaldy, dep habarlaidy ult.kz.
Biyl qazan aiynda «Túrkistan – Pavlodar» baǵytyndaǵy poiyzdyń 39 jastaǵy jolserigi qolǵa tústi. Onyń úiin tintý kezinde 5 keliden astam gashish tárkilendi.
Jedel-izdestirý sharalary barysynda esirtkini jetkizdi degen kúdikpen 33 jastaǵy Jambyl oblysynyń týmasy da ustaldy. Tergeý nusqasy boiynsha, ol bul áreketi úshin aqsha alǵan.
Tárkilengen esirtkiniń qara naryqtaǵy quny 18 million teńgeden asady.
Atalǵan fakti boiynsha Qylmystyq kodekstiń 297-babymen sotqa deiingi tergeý bastaldy. Qazir iske qatysy bolýy múmkin ózge de adamdar anyqtalyp jatyr.
