Jyldam ári mol tabysqa kenelýdi kózdegen Taraz qalasynyń 28 jastaǵy turǵyny alaiaqtardyń arbaýyna tústi. Ol treidingke investitsiia salý týraly usynysqa senip, bankten nesie alyp, 1,9 mln teńgesin aýdarǵan, dep habarlaidy ult.kz.
Aldyn ala málimet boiynsha, ózin investor retinde tanystyrǵan azamat Almaty qalasynyń 24 jastaǵy turǵyny bolǵan. Alaida tarazdyq ýáde etilgen paidaǵa qol jetkizbegen, tipti salǵan aqshasyn da qaitara almaǵan.
Atalǵan derek boiynsha Qylmystyq kodekstiń 190-baby 2-bóliginiń 4-tarmaǵymen sotqa deiingi tergeý bastaldy. Kúdikti Aqtóbe qalasynda alaiaqtyqtyń 29 deregi boiynsha júrgizilgen tergeý aiasynda ustalǵan. Qazir onyń basqa da qylmystarǵa qatysy bar-joǵy tekserilip jatyr.
