جىلدام ەرٸ مول تابىسقا كەنەلۋدٸ كٶزدەگەن تاراز قالاسىنىڭ 28 جاستاعى تۇرعىنى الاياقتاردىڭ ارباۋىنا تٷستٸ. ول ترەيدينگكە ينۆەستيتسييا سالۋ تۋرالى ۇسىنىسقا سەنٸپ, بانكتەن نەسيە الىپ, 1,9 ملن تەڭگەسٸن اۋدارعان, دەپ حابارلايدى ult.kz.
الدىن الا مەلٸمەت بويىنشا, ٶزٸن ينۆەستور رەتٸندە تانىستىرعان ازامات الماتى قالاسىنىڭ 24 جاستاعى تۇرعىنى بولعان. الايدا تارازدىق ۋەدە ەتٸلگەن پايداعا قول جەتكٸزبەگەن, تٸپتٸ سالعان اقشاسىن دا قايتارا الماعان.
اتالعان دەرەك بويىنشا قىلمىستىق كودەكستٸڭ 190-بابى 2-بٶلٸگٸنٸڭ 4-تارماعىمەن سوتقا دەيٸنگٸ تەرگەۋ باستالدى. كٷدٸكتٸ اقتٶبە قالاسىندا الاياقتىقتىڭ 29 دەرەگٸ بويىنشا جٷرگٸزٸلگەن تەرگەۋ اياسىندا ۇستالعان. قازٸر ونىڭ باسقا دا قىلمىستارعا قاتىسى بار-جوعى تەكسەرٸلٸپ جاتىر.
