قازاقستان مۇسىلماندارى دٸني باسقارماسى كٷندەلٸكتٸ قارىم-قاتىناستا اراب سٶزدەرٸنٸڭ ورنىنا قازاقشا اتاۋلاردى قولدانۋعا شاقىردى, دەپ حابارلايدى ult.kz.
مٷفتييات ماماندارىنىڭ ايتۋىنشا, قۇلشىلىق كەزٸندە اراب تٸلٸندەگٸ دۇعالار مەن زٸكٸرلەردٸڭ ورنى بٶلەك. ال كٷندەلٸكتٸ ٶمٸردە «يفتار», «سۋحۋر» سٶزدەرٸنٸڭ ورنىنا «اۋىزاشار», «سەرەسٸ» دەگەن قازاقشا اتاۋلاردى قولدانعان جٶن.
سونداي-اق «احي», «ۋحتي», «برات», «سەسترا» سٶزدەرٸنٸڭ ورنىنا «باۋىرىم», «اعام», «ەپكەم», «قارىنداسىم» دەپ سٶيلەگەن دۇرىس ەكەنٸن ەسكە سالدى.
مٷفتييات ٶكٸلدەرٸ «تاڭ», «بەسٸن», «ەكٸنتٸ», «اقشام», «قۇپتان» اتاۋلارىنىڭ دا قازاق تٸلٸندە قالىپتاسقانىن اتاپ ٶتتٸ.
ايتا كەتەيٸك, بۇعان دەيٸن پرەزيدەنت دٸني ۇعىمدارعا قاتىستى بايىرعى قازاق سٶزدەرٸنٸڭ ورنىنا ارابشا اتاۋلاردى جيٸ قولدانۋ مەسەلەسٸن كٶتەرگەن بولاتىن.
