جاساندى ينتەللەكتٸنٸ پايدالانعان الاياقتار الماتى تۇرعىنىنىڭ فوتوسى ارقىلى جالعان بەينە جاساپ, ونىڭ اتىنا تٶرت ۆيرتۋالدى ەسەپشوت اشقان. نەتيجەسٸندە ەيەلگە 35 ميلليون تەڭگە نەسيە رەسٸمدەلگەن, دەپ حابارلايدى ult.kz.
31-ارنانىڭ «ينفورمبيۋرو» باعدارلاماسىنىڭ مەلٸمەتٸنشە, زۋحرا ۆاليەۆا الاياقتىقتىڭ قۇربانى بولعانىن كٷتپەگەن جەردەن بٸلگەن. الدىمەن وعان بەلگٸسٸز ەيەل حابارلاسىپ, ٶزٸ تاپسىرىس بەرگەن جيھازدى الا الماعانىن ايتقان. كەيٸن مەن-جايدى انىقتاعاندا, ٶزٸنٸڭ اتىنان نەسيە رەسٸمدەلگەنٸن بٸلگەن.
«مۇنىڭ بەرٸن مەنٸڭ فوتوم ارقىلى جاساعان. بانكتٸڭ قاۋٸپسٸزدٸك تالاپتارى قايدا? مۇنداي جاعدايعا قالاي جول بەرٸلگەن?» – دەيدٸ جەبٸرلەنۋشٸ.
قارجى نارىعىن رەتتەۋ جەنە دامىتۋ اگەنتتٸگٸنٸڭ مەلٸمەتٸنشە, بانكتەردٸڭ موبيلدٸ قوسىمشالارىندا بيومەترييالىق سەيكەستەندٸرۋدەن بٶلەك, ەكٸ فاكتورلى تەكسەرۋ تالاپ ەتٸلەدٸ. سونداي-اق قارجى ۇيىمدارى كٷمەندٸ وپەراتسييالاردى انىقتاپ, ۋاقىتشا توقتاتاتىن انتيفرود-جٷيەلەردٸ قولدانۋعا مٸندەتتٸ.
ماماندار ازاماتتارعا كٷمەندٸ وپەراتسييا بايقالعان جاعدايدا بانككە دەرەۋ حابارلاسىپ, شوتتارىن بۇعاتتاۋدى جەنە پوليتسيياعا ارىزدانۋدى ۇسىنادى.
ال زۋحرا ۆاليەۆا پوليتسييا مەن پروكۋراتۋراعا شاعىم تٷسٸرٸپ, اتىنا زاڭسىز رەسٸمدەلگەن نەسيەلەردٸڭ كٷشٸن جويۋعا تىرىسىپ جاتىر. قازٸر ٸس بويىنشا تەرگەۋ جٷرگٸزٸلۋدە.
