Jasandy intellektini paidalanǵan alaiaqtar Almaty turǵynynyń fotosy arqyly jalǵan beine jasap, onyń atyna tórt virtýaldy esepshot ashqan. Nátijesinde áielge 35 million teńge nesie rásimdelgen, dep habarlaidy ult.kz.
31-arnanyń «Informbiýro» baǵdarlamasynyń málimetinshe, Zýhra Valieva alaiaqtyqtyń qurbany bolǵanyn kútpegen jerden bilgen. Aldymen oǵan belgisiz áiel habarlasyp, ózi tapsyrys bergen jihazdy ala almaǵanyn aitqan. Keiin mán-jaidy anyqtaǵanda, óziniń atynan nesie rásimdelgenin bilgen.
«Munyń bárin meniń fotom arqyly jasaǵan. Banktiń qaýipsizdik talaptary qaida? Mundai jaǵdaiǵa qalai jol berilgen?» – deidi jábirlenýshi.
Qarjy naryǵyn retteý jáne damytý agenttiginiń málimetinshe, bankterdiń mobildi qosymshalarynda biometriialyq sáikestendirýden bólek, eki faktorly tekserý talap etiledi. Sondai-aq qarjy uiymdary kúmándi operatsiialardy anyqtap, ýaqytsha toqtatatyn antifrod-júielerdi qoldanýǵa mindetti.
Mamandar azamattarǵa kúmándi operatsiia baiqalǵan jaǵdaida bankke dereý habarlasyp, shottaryn buǵattaýdy jáne politsiiaǵa aryzdanýdy usynady.
Al Zýhra Valieva politsiia men prokýratýraǵa shaǵym túsirip, atyna zańsyz rásimdelgen nesielerdiń kúshin joiýǵa tyrysyp jatyr. Qazir is boiynsha tergeý júrgizilýde.
