Qazaqstan musylmandary dini basqarmasy kúndelikti qarym-qatynasta arab sózderiniń ornyna qazaqsha ataýlardy qoldanýǵa shaqyrdy, dep habarlaidy ult.kz.
Múftiiat mamandarynyń aitýynsha, qulshylyq kezinde arab tilindegi duǵalar men zikirlerdiń orny bólek. Al kúndelikti ómirde «iftar», «sýhýr» sózderiniń ornyna «aýyzashar», «sáresi» degen qazaqsha ataýlardy qoldanǵan jón.
Sondai-aq «ahi», «ýhti», «brat», «sestra» sózderiniń ornyna «baýyrym», «aǵam», «ápkem», «qaryndasym» dep sóilegen durys ekenin eske saldy.
Múftiiat ókilderi «tań», «besin», «ekinti», «aqsham», «quptan» ataýlarynyń da qazaq tilinde qalyptasqanyn atap ótti.
Aita keteiik, buǵan deiin Prezident dini uǵymdarǵa qatysty baiyrǵy qazaq sózderiniń ornyna arabsha ataýlardy jii qoldaný máselesin kótergen bolatyn.
