Qazaqstanda 2026 jyldyń úshinshi toqsanynda jumyssyzdar sany 445,6 myń adamǵa jetti. Jumyssyzdyq deńgeii 4,5 paiyzdy qurady. Bul týraly Ult.kz LS-ke silteme jasap habarlaidy.
Statistikaǵa sáikes, jumyssyz qalǵandardyń 126,8 myńy óz erkimen jumystan ketken. Taǵy 52,3 myń adam shtat qysqarýy nemese uiymdardyń jabylýy saldarynan jumysynan aiyrylǵan. Al 23,1 myń adamnyń eńbek shartynyń merzimi aiaqtalǵan.
Sonymen qatar 87,2 myń qazaqstandyq jumysqa ornalasýǵa múmkindik joq ekenin kórsetken. 65,7 myń adam otbasylyq nemese jeke jaǵdaiyna bailanysty jumys istemeidi. Taǵy 42,1 myń adam úi sharýashylyǵymen ainalysady.
Jumyssyzdyqtyń basqa sebepteri qatarynda kásipkerlik qyzmettiń toqtaýy (10,4 myń adam), jumystyń maýsymdyq sipaty (9,6 myń) jáne densaýlyq jaǵdaiy (7,9 myń) bar.
Jumyssyzdar arasynda áielder kóp
Jumyssyzdardyń basym bóligi – áielder. Olardyń sany 245,4 myń bolsa, erler arasynda bul kórsetkish 200,2 myń adamdy quraǵan.
Áielder arasyndaǵy jumyssyzdyq deńgeii 5,2 paiyzǵa jetse, erlerde 3,9 paiyz bolǵan.
Jas ereksheligi boiynsha jumyssyzdardyń eń kóbi 35-44 jas aralyǵyndaǵylar. Bul sanatta 143,3 myń adam bar. Odan keiin 55-64 jastaǵy azamattar (96,7 myń) jáne 45-54 jastaǵylar (93,9 myń) tur.
Al jumyssyzdyq deńgeii eń joǵary jas toby – 55-64 jastaǵy azamattar. Olardyń arasyndaǵy kórsetkish 8,6 paiyzǵa jetken. Salystyrý úshin, 29-34 jastaǵylar arasynda bul kórsetkish 2,6 paiyz, al 16-24 jastaǵy jastar arasynda 3,2 paiyz bolǵan.
Bilim deńgeii de jumysqa ornalasý kórsetkishine áser etedi. Joǵary jáne joǵary oqý ornynan keiingi bilimi bar azamattar arasynda jumyssyzdyq deńgeii 3,3 paiyzdy qurasa, jalpy orta bilimi barlarda 10,4 paiyz, bastaýysh bilimi barlarda 14 paiyz bolǵan.
Qazaqstandyqtar jumys izdeýge qansha ýaqyt jumsaidy?
Jumyssyzdardyń 91,3 myńy bir aiǵa jetpeitin ýaqyt jumys izdep júr. 145,9 myń adam qolaily jumys ornyn tabýǵa bir aidan úsh aiǵa deiin ýaqyt jumsaǵan. Al 93,6 myń qazaqstandyq úsh aidan alty aiǵa deiin jumys izdegen.
84,7 myń adamnyń jumys izdeý merzimi alty aidan bir jylǵa deiin sozylǵan. Taǵy 30 myń adam bir jyldan astam ýaqyt boiy jumys taba almai júr.
Budan bólek, jumyssyzdardyń 119,6 myńynyń buryn eńbek ótili bolmaǵan.
Jalpy 2026 jyldyń úshinshi toqsanynda Qazaqstan ekonomikasynda 9,4 mln adam jumyspen qamtylǵan. Onyń 7,2 milliony jaldamaly jumysshy bolsa, 2,2 milliony ózin-ózi jumyspen qamtyǵan azamattar.
Byltyrǵy jyldyń osy kezeńimen salystyrǵanda jumyspen qamtylǵandar sany 73,3 myń adamǵa artqan. Onyń ishinde jaldamaly jumysshylar sany 92,3 myń adamǵa kóbeigen.
