Bloger Eldos Kolobok ulynyń tusaýkeser rásiminen jazba jariialap, aq tilegin arnady, dep habarlaidy ult.kz.

Ol balasynyń bolashaǵyna qatysty nietin aityp, ánshi Qairat Nurtasty úlgi etken.

“Tusaýkeser rásimi. Qairat Nurtas aǵasyndai basynan baǵy taimaityn “LEGENDA” bolsyn dep niet ettik.Qadamy qutty bolsyn dep tilek bildirip qoiyńyzdar”, – dep jazdy bloger.

Eldos oqyrmandarynan ulynyń qadamyna qut tilep, aq batasyn berýdi surady.

Aita keteiik, Eldos “koloboktyń” uly bir jasqa toldy.

Qairat Nurtas kim? 
 

Qairat Nurtas — qazaq estradasynyń tanymal ánshisi, prodiýser ári akter. Tolyq aty-jóni — Qairat Nurtasuly Aidarbekov. 1989 jyly 25 aqpanda Túrkistan qalasynda dúniege kelgen. Ónerge bala kezinen qyzyǵyp, sahnaǵa erte shyqqan. Ánshilik jolynda anasy ári prodiýseri Gúlzira Aidarbekovanyń qoldaýy úlken ról atqarǵan.

Qairat Nurtas mahabbat, saǵynysh, otbasy men adam sezimin arqaý etken ánderimen tyńdarmanǵa tanyldy. Repertýarynda baiaý lirikalyq shyǵarmalar da, yrǵaqty ánder de bar. Ol jeke kontsertter ótkizip, elimizdiń túrli óńirinde óner kórsetip keledi. Ánderi toilarda, merekelik keshterde jii oryndalady. Ár jyldary otandyq ónerpazdarmen dýetter usynyp, beinebaiandar túsirgen.

Ánshi kino salasynda da baǵyn synaǵan. “Ókinish” jáne “Arman. Perishte uiyqtaǵanda” filmderinde basty rólderdi somdady. Jubaiy — aktrisa Juldyz Ábdikárimova. Erli-zaiypty tórt bala tárbielep otyr.