Ánshi Meirambek Besbaev 50 jas mereitoiynda dombyrasynyń aýktsionǵa shyǵarylýyna qatysty pikir bildirdi, dep habarlaidy ult.kz.

Mereitoida óner iesiniń dombyrasy 15 million teńgege satylǵan. Osydan keiin áleýmettik jelide ánshini “dombyrasyn satty” dep synaǵandar bolǵan.

Besbaevtyń aitýynsha, dostary aýktsiondy aqsha jinaý úshin uiymdastyrmaǵan. Olar toiǵa kelgen jurttyń kóńilin kóterip, kesh este qalsyn ári ulttyq aspaptyń qadiri artsyn degen nietpen osyndai qadamǵa barǵan.

“Jigitter dombyranyń qadirin kótergisi keldi. Áitpese, sol aqshadan aqsha alady deisińder me nemese dombyrany satyp, aqshasyna meiramhananyń shyǵynyn jaýyp alady deisińder me? Ondai joq qoi”, – dedi ánshi.

Óner iesi ortasynda mundai somany bere alatyn márt azamattar bar ekenin de aitty. Alaida aýktsionnyń túpki maqsaty toi shyǵynyn óteý emes, kópshilikke erekshe áser syilaý bolǵanyn jetkizdi.

Aita keteiik, Janar Aijanova burynǵy kúieýi týraly syr ashty.

Meirambek Bespaev kim? 

Meirambek Besbaev — qazaq estradasynyń tanymal ánshisi, “MýzART” tobynyń múshesi.

1975 jyly 7 qarashada Taraz qalasynda dúniege kelgen. Bala kezinen án aityp, “Boztorǵai” ánimen kópshilikke tanylǵan. Keiin Sáken Maiǵaziev jáne Kenjebek Janábilovpen birge “MýzART” tobynyń quramynda óner kórsetip, tyńdarman yqylasyna bólendi. Repertýarynda halyq ánderi men lirikalyq týyndylar bar.