ەنشٸ مەيرامبەك بەسباەۆ 50 جاس مەرەيتويىندا دومبىراسىنىڭ اۋكتسيونعا شىعارىلۋىنا قاتىستى پٸكٸر بٸلدٸردٸ, دەپ حابارلايدى ult.kz.

مەرەيتويدا ٶنەر يەسٸنٸڭ دومبىراسى 15 ميلليون تەڭگەگە ساتىلعان. وسىدان كەيٸن ەلەۋمەتتٸك جەلٸدە ەنشٸنٸ “دومبىراسىن ساتتى” دەپ سىناعاندار بولعان.

بەسباەۆتىڭ ايتۋىنشا, دوستارى اۋكتسيوندى اقشا جيناۋ ٷشٸن ۇيىمداستىرماعان. ولار تويعا كەلگەن جۇرتتىڭ كٶڭٸلٸن كٶتەرٸپ, كەش ەستە قالسىن ەرٸ ۇلتتىق اسپاپتىڭ قادٸرٸ ارتسىن دەگەن نيەتپەن وسىنداي قادامعا بارعان.

“جٸگٸتتەر دومبىرانىڭ قادٸرٸن كٶتەرگٸسٸ كەلدٸ. ەيتپەسە, سول اقشادان اقشا الادى دەيسٸڭدەر مە نەمەسە دومبىرانى ساتىپ, اقشاسىنا مەيرامحانانىڭ شىعىنىن جاۋىپ الادى دەيسٸڭدەر مە? ونداي جوق قوي”, – دەدٸ ەنشٸ.

ٶنەر يەسٸ ورتاسىندا مۇنداي سومانى بەرە الاتىن مەرت ازاماتتار بار ەكەنٸن دە ايتتى. الايدا اۋكتسيوننىڭ تٷپكٸ ماقساتى توي شىعىنىن ٶتەۋ ەمەس, كٶپشٸلٸككە ەرەكشە ەسەر سىيلاۋ بولعانىن جەتكٸزدٸ.

ايتا كەتەيٸك, جانار ايجانوۆا بۇرىنعى كٷيەۋٸ تۋرالى سىر اشتى.

مەيرامبەك بەسپاەۆ كٸم? 

مەيرامبەك بەسباەۆ — قازاق ەستراداسىنىڭ تانىمال ەنشٸسٸ, “مۋزارت” توبىنىڭ مٷشەسٸ.

1975 جىلى 7 قاراشادا تاراز قالاسىندا دٷنيەگە كەلگەن. بالا كەزٸنەن ەن ايتىپ, “بوزتورعاي” ەنٸمەن كٶپشٸلٸككە تانىلعان. كەيٸن سەكەن مايعازيەۆ جەنە كەنجەبەك جانەبٸلوۆپەن بٸرگە “مۋزارت” توبىنىڭ قۇرامىندا ٶنەر كٶرسەتٸپ, تىڭدارمان ىقىلاسىنا بٶلەندٸ. رەپەرتۋارىندا حالىق ەندەرٸ مەن ليريكالىق تۋىندىلار بار.