بەلگٸلٸ ەنشٸ-كومپوزيتور, قازاقستاننىڭ ەڭبەك سٸڭٸرگەن ەرتٸسٸ مارات وماروۆ جاستاردى شەتەلگە شىعىپ, جاڭا مٷمكٸندٸكتەردٸ پايدالانۋعا شاقىردى, دەپ حابارلايدى ult.kz.
ٶنەر يەسٸ امان تاسىعاننىڭ "TalkLike" پودكاستىنا بەرگەن سۇحباتىندا امەريكاداعى بەس جىلدىق ٶمٸرٸ تۋرالى ايتىپ, جاستاردىڭ بولاشاعىنا قاتىستى ويىن ورتاعا سالدى.
ەنشٸنٸڭ پٸكٸرٸنشە, جاس كەزدە شەتەلگە بارىپ, ٶزگە ەلدٸڭ تىنىس-تٸرشٸلٸگٸن كٶرۋ ادامنىڭ وي-ٶرٸسٸن كەڭەيتٸپ, ٶمٸردەن ٶز ورنىن تابۋىنا كٶمەكتەسەدٸ.
"جاستارعا مٸندەتتٸ تٷردە امەريكاعا بارۋ كەرەك. بٸرٸنشٸ جىلى قينالار, ەكٸنشٸ جىلى ٶزٸن تاۋىپ كەتەدٸ. مٸندەتتٸ تٷردە ٶنەر ادامى بولۋ شارت ەمەس. بيزنەس, IT نەمەسە تٸل مامانى بولسىن. تٸل بٸلگەننٸڭ ٶزٸ – 70-80 پايىز مٷمكٸندٸك. سونىڭ ارقاسىندا ارى قاراي الىپ كەتەدٸ", – دەدٸ مارات وماروۆ.
ەنشٸ امەريكاداعى ٶمٸردٸڭ سىرت كٶزگە كٶرٸنگەندەي وڭاي ەمەس ەكەنٸن دە جاسىرمادى. ونىڭ ايتۋىنشا, ول جاقتا ەر ادام ٶز كٷنٸن ٶزٸ كٶرٸپ, قيىندىقتى ەڭسەرۋگە ٷيرەنەدٸ.
"امەريكادا سەنٸڭ جاعدايىڭدى ەشكٸم جاساپ بەرمەيدٸ. ورعا تٷسٸرٸپ تاستاعانداي بولدىم. جان-جاعىما جالتاقتاپ قارادىم, كٶمەكتەسەتٸن ەشكٸم جوق. تٸپتٸ ارقان دا جوق. ٶزٸڭدٸ ٶزٸڭ الىپ شىعۋىڭ كەرەك. سٸز تابىس كٶزٸ تۋرالى سۇراپ جاتىرسىز عوي. تابا الادى, ول جەردە قالمايدى. تٸپتٸ تٸل بٸلمەيتٸندەردٸ دە كٶردٸم. ەڭ باستىسى, جالقاۋ بولماسا بولدى", – دەدٸ ٶنەر يەسٸ.
مارات وماروۆ قازٸرگٸ جاستاردىڭ شەتەلگە شىعۋعا مٷمكٸندٸگٸ بولا تۇرا, ونى پايدالانباي جٷرگەنٸنە تاڭعالاتىنىن ايتتى. ول جاستىق شاقتى تەك ٷيرەنشٸكتٸ ورتادا ٶتكٸزبەي, جاڭا ەل كٶرٸپ, تٷرلٸ سالادا باق سىناۋعا كەڭەس بەردٸ.
"بٷگٸن وسىندا جٷرگەن بالالاردى كٶرٸپ تاڭعالامىن. نە ٸستەپ جٷر دەپ ويلايمىن. ۇشۋ كەرەك سەندەرگە! بارىپ كٶرسەڭدەرشٸ. كورەياعا دا بارىپ جاتىر عوي. بار, جاس كەزٸڭدە ٶزٸڭدٸ تاپ. بٸزدٸڭ كەزٸمٸزدە ونداي مٷمكٸندٸك بولعان جوق. كەڭەس وداعى كەزٸندە "ۇيات بولادى", "ٷيتپە-بٷيتپە" دەگەن تٷسٸنٸك بولدى", – دەپ ويىن تٷيٸندەدٸ ەنشٸ.
وسىلايشا, بەس جىل امەريكادا ٶمٸر سٷرگەن مارات وماروۆ جاستارعا تەك ديپلوممەن شەكتەلمەي, تٸل ٷيرەنٸپ, ەڭبەك ەتٸپ, ٶزگە ەلدەن تەجٸريبە جيناۋدىڭ ماڭىزىن جەتكٸزدٸ. ونىڭ پٸكٸرٸنشە, ادامنىڭ العا باسۋىنا ەڭ الدىمەن ەڭبەكقورلىعى مەن تەۋەكەلگە بارا بٸلۋٸ ىقپال ەتەدٸ.
مارات وماروۆ كٸم?
مارات وماروۆ – قازاقتىڭ بەلگٸلٸ ەنشٸ-كومپوزيتورى, قازاقستان رەسپۋبليكاسىنىڭ ەڭبەك سٸڭٸرگەن ەرتٸسٸ. ول 1959 جىلى 16 سەۋٸردە تٷركٸستان وبلىسى سوزاق اۋدانىنىڭ شولاققورعان اۋىلىندا دٷنيەگە كەلگەن.
ەل-فارابي اتىنداعى مەدەني-اعارتۋ ينستيتۋتىن تەمامداپ, ەڭبەك جولىندا شىمكەنت وبلىستىق فيلارمونيياسىنىڭ "اۋىلىم – ەنٸم" انسامبلٸندە ەنشٸ, قازاق تەلەۆيزيياسىندا مۋزىكالىق رەداكتور بولىپ قىزمەت اتقارعان.
ونىڭ "اناشىم", "ەكە ارمانى", "العاشقى ماحاببات", "قىز سىنى", "سىڭارىم", "ەنشٸ بالاپان" سيياقتى ەندەرٸ حالىق اراسىندا كەڭٸنەن تانىلعان.
كومپوزيتور "جٸگەر-87", "ازييا داۋىسى-95", "التىن ديسك-97" جەنە باسقا دا حالىقارالىق ٶنەر بايقاۋلارىنىڭ لاۋرەاتى اتانعان.
2001 جىلدان باستاپ استاناداعى پرەزيدەنت وركەسترٸ مەن فيلارمونييادا قىزمەت ەتكەن. كەيٸنگٸ جىلدارى اقش-تىڭ لوس-اندجەلەس قالاسىندا تۇرىپ, شىعارماشىلىق جۇمىسىن جالعاستىرعان.
