كەي ەننٸڭ العاشقى ەۋەنٸ ەستٸلگەننەن-اق ونى ورىنداعان ەنشٸ ويعا ورالادى. ارادا قانشا جىل ٶتسە دە, تىڭدارمان سول تۋىندىنى ٸزدەپ تىڭداپ, كونتسەرتتە دە سونى سۇرايدى. توقسانىنشى جىلدارى ساحناعا شىققان نەمەسە سول كەزەڭدە كەڭ تانىلعان بٸرقاتار ٶنەرپازدىڭ شىعارماشىلىعىندا وسىنداي ورنى بٶلەك ەندەر بار, دەپ حابارلايدى ult.kz.

زارينا وماروۆا - “جان گٷلٸم”

زارينا وماروۆا دەگەندە كٶپشٸلٸكتٸڭ ەسٸنە الدىمەن “جان گٷلٸم” تٷسەدٸ. 1994 جىلى جارىق كٶرگەن تۋىندىنىڭ ەۋەنٸن مارات وماروۆ, سٶزٸن سەرٸك تۇرعىنبەكۇلى جازعان. زارينا ەندٸ العاش جاڭا جىلدىق باعدارلامادا, كەيٸن ەكەسٸنٸڭ رەسپۋبليكا سارايىنداعى كونتسەرتٸندە ورىنداعانىن ايتقان.

ەنشٸنٸڭ ٶز سٶزٸنە قاراعاندا, وسى تۋىندى ونىڭ شىعارماشىلىعىنىڭ باستى حيتٸنە اينالعان. تويعا شاقىرعان جۇرت تا مٸندەتتٸ تٷردە “جان گٷلٸمدٸ” سۇراعان. زارينا سۇحباتىندا بۇل ەننٸڭ ٶزٸنە تانىمالدىقپەن بٸرگە مول تابىس ەكەلگەنٸن دە جاسىرماعان.

سەكەن قالىموۆ - “التايدىڭ ار جاعىنان كەلگەن ارۋ”

سەكەن قالىموۆتى تىڭدارمانعا كەڭ تانىتقان تۋىندى — “التايدىڭ ار جاعىنان كەلگەن ارۋ”. سٶزٸ مەن ەۋەنٸن تىنىشباي راقىم جازعان ەن 1993 جىلى “كەش جارىق” باعدارلاماسىندا ورىندالعان.

سىرتتاي قاراعاندا عاشىقتىق تۋرالى شىعارما بولىپ ەستٸلگەنٸمەن, ونىڭ استارىندا الىستاعى اعايىنعا دەگەن ساعىنىش, اتامەكەنگە شاقىرۋ سارىنى جاتىر. سەكەننٸڭ ورىنداۋىنداعى ەن توقسانىنشى جىلدارى كەڭ تاراپ, ونىڭ ەسٸمٸمەن قاتار اتالاتىن تۋىندىعا اينالدى.

مەرۋەرت تٷسٸپباەۆا - “قيماي سەنٸ بارامىن”

مەرۋەرت تٷسٸپباەۆانىڭ شىعارماشىلىعىندا “قيماي سەنٸ بارامىن” ەنٸنٸڭ ورنى بٶلەك. ەۋەنٸن تٶلەگەن مۇحامەدجانوۆ, سٶزٸن شٶمٸشباي ساريەۆ جازعان تۋىندى ەنشٸنٸ قالىڭ تىڭدارمانعا تانىتتى.

مەرۋەرت سۇحباتتارىنىڭ بٸرٸندە بەينەباياننىڭ 1995 جىلى شىققانىن ايتقان. ونىڭ ەستەلٸگٸنشە, بەينەجازبانى قىتايدان كەلگەن بٸر قازاق جٸگٸتٸ الىپ كەتٸپ, سول جاقتاعى قانداستارعا تاراتقان. سونىڭ ارقاسىندا ەنشٸ 1996 جىلى قىتايداعى قازاقتارعا دا كەڭٸنەن تانىلعان.

قانات يبراگيموۆ - “سەنٸڭ كٶزٸڭ”

بٷگٸندە “سەنٸڭ كٶزٸڭ” ەنٸن كٶپشٸلٸك “مۋزارت” ارقىلى بٸلەدٸ. الايدا ونىڭ ەۋەنٸن جازىپ, العاش ٶزٸ ورىنداعان ٶنەرپاز — قانات يبراگيموۆ. سازگەردٸڭ ايتۋىنشا, ەن 1989 جىلى تۋعان. ال 1993 جىلى ول تۋىندىنى “كەش جارىق” باعدارلاماسىندا مۇقاعالي ماقاتاەۆتىڭ ٶلەڭٸمەن شىرقاعان.

2001 جىلى ەندٸ “مۋزارت” رەپەرتۋارىنا ەنگٸزدٸ. قانات كەيٸنگٸ سۇحباتىندا “سەنٸڭ كٶزٸڭ” ٶزٸنٸڭ سازگەر رەتٸندەگٸ تٶلقۇجاتىنا اينالعانىن ايتقان. وسىلايشا, توقسانىنشى جىلدارى ەفيرگە شىققان تۋىندى كەيٸن جاڭا ورىنداۋشىلار ارقىلى كەڭ تارادى.

مادينا ساعىنبەكوۆا - “ۇناتامىن مەن سەنٸ”

مادينا ساعىنبەكوۆانى تىڭدارمانعا تانىتقان تۋىندىلاردىڭ بٸرٸ — تابىلدى دوسىموۆتىڭ “ۇناتامىن مەن سەنٸ” ەنٸ. ەنشٸ تۋرالى جارييالانعان سۇحباتتا ول دەل وسى شىعارمانى ورىنداۋى ارقىلى تانىلعان ٶنەرپاز رەتٸندە تانىستىرىلادى.

مادينانىڭ ٶنەر جولى توقسانىنشى جىلدارداعى ەن بايقاۋلارىنان باستالعان. ول 1994 جىلى شەمشٸ قالداياقوۆ اتىنداعى رەسپۋبليكالىق بايقاۋدا باس جٷلدە العانىن ايتقان. كەيٸن جەكە ەنجيناعىن دا “ۇناتامىن مەن سەنٸ” دەپ اتاعان. دەگەنمەن تۋىندىنىڭ ونىڭ ورىنداۋىندا ناقتى قاي جىلى تاراعانى سۇحباتتا كٶرسەتٸلمەيدٸ.

بۇل ورىنداۋشىلاردىڭ باسقا دا ەندەرٸ بار. مۇندا ولاردىڭ شىعارماشىلىق جولىندا ەرەكشە ورىن الىپ, تىڭدارمان جادىندا ەسٸمٸمەن قاتار ساقتالعان تۋىندىلار سٶز بولدى.