قازاقستاندا 2026 جىلدىڭ ٷشٸنشٸ توقسانىندا جۇمىسسىزدار سانى 445,6 مىڭ ادامعا جەتتٸ. جۇمىسسىزدىق دەڭگەيٸ 4,5 پايىزدى قۇرادى. بۇل تۋرالى Ult.kz LS-كە سٸلتەمە جاساپ حابارلايدى.
ستاتيستيكاعا سەيكەس, جۇمىسسىز قالعانداردىڭ 126,8 مىڭى ٶز ەركٸمەن جۇمىستان كەتكەن. تاعى 52,3 مىڭ ادام شتات قىسقارۋى نەمەسە ۇيىمداردىڭ جابىلۋى سالدارىنان جۇمىسىنان ايىرىلعان. ال 23,1 مىڭ ادامنىڭ ەڭبەك شارتىنىڭ مەرزٸمٸ اياقتالعان.
سونىمەن قاتار 87,2 مىڭ قازاقستاندىق جۇمىسقا ورنالاسۋعا مٷمكٸندٸك جوق ەكەنٸن كٶرسەتكەن. 65,7 مىڭ ادام وتباسىلىق نەمەسە جەكە جاعدايىنا بايلانىستى جۇمىس ٸستەمەيدٸ. تاعى 42,1 مىڭ ادام ٷي شارۋاشىلىعىمەن اينالىسادى.
جۇمىسسىزدىقتىڭ باسقا سەبەپتەرٸ قاتارىندا كەسٸپكەرلٸك قىزمەتتٸڭ توقتاۋى (10,4 مىڭ ادام), جۇمىستىڭ ماۋسىمدىق سيپاتى (9,6 مىڭ) جەنە دەنساۋلىق جاعدايى (7,9 مىڭ) بار.
جۇمىسسىزدار اراسىندا ەيەلدەر كٶپ
جۇمىسسىزداردىڭ باسىم بٶلٸگٸ – ەيەلدەر. ولاردىڭ سانى 245,4 مىڭ بولسا, ەرلەر اراسىندا بۇل كٶرسەتكٸش 200,2 مىڭ ادامدى قۇراعان.
ەيەلدەر اراسىنداعى جۇمىسسىزدىق دەڭگەيٸ 5,2 پايىزعا جەتسە, ەرلەردە 3,9 پايىز بولعان.
جاس ەرەكشەلٸگٸ بويىنشا جۇمىسسىزداردىڭ ەڭ كٶبٸ 35-44 جاس ارالىعىنداعىلار. بۇل ساناتتا 143,3 مىڭ ادام بار. ودان كەيٸن 55-64 جاستاعى ازاماتتار (96,7 مىڭ) جەنە 45-54 جاستاعىلار (93,9 مىڭ) تۇر.
ال جۇمىسسىزدىق دەڭگەيٸ ەڭ جوعارى جاس توبى – 55-64 جاستاعى ازاماتتار. ولاردىڭ اراسىنداعى كٶرسەتكٸش 8,6 پايىزعا جەتكەن. سالىستىرۋ ٷشٸن, 29-34 جاستاعىلار اراسىندا بۇل كٶرسەتكٸش 2,6 پايىز, ال 16-24 جاستاعى جاستار اراسىندا 3,2 پايىز بولعان.
بٸلٸم دەڭگەيٸ دە جۇمىسقا ورنالاسۋ كٶرسەتكٸشٸنە ەسەر ەتەدٸ. جوعارى جەنە جوعارى وقۋ ورنىنان كەيٸنگٸ بٸلٸمٸ بار ازاماتتار اراسىندا جۇمىسسىزدىق دەڭگەيٸ 3,3 پايىزدى قۇراسا, جالپى ورتا بٸلٸمٸ بارلاردا 10,4 پايىز, باستاۋىش بٸلٸمٸ بارلاردا 14 پايىز بولعان.
قازاقستاندىقتار جۇمىس ٸزدەۋگە قانشا ۋاقىت جۇمسايدى?
جۇمىسسىزداردىڭ 91,3 مىڭى بٸر ايعا جەتپەيتٸن ۋاقىت جۇمىس ٸزدەپ جٷر. 145,9 مىڭ ادام قولايلى جۇمىس ورنىن تابۋعا بٸر ايدان ٷش ايعا دەيٸن ۋاقىت جۇمساعان. ال 93,6 مىڭ قازاقستاندىق ٷش ايدان التى ايعا دەيٸن جۇمىس ٸزدەگەن.
84,7 مىڭ ادامنىڭ جۇمىس ٸزدەۋ مەرزٸمٸ التى ايدان بٸر جىلعا دەيٸن سوزىلعان. تاعى 30 مىڭ ادام بٸر جىلدان استام ۋاقىت بويى جۇمىس تابا الماي جٷر.
بۇدان بٶلەك, جۇمىسسىزداردىڭ 119,6 مىڭىنىڭ بۇرىن ەڭبەك ٶتٸلٸ بولماعان.
جالپى 2026 جىلدىڭ ٷشٸنشٸ توقسانىندا قازاقستان ەكونوميكاسىندا 9,4 ملن ادام جۇمىسپەن قامتىلعان. ونىڭ 7,2 ميلليونى جالدامالى جۇمىسشى بولسا, 2,2 ميلليونى ٶزٸن-ٶزٸ جۇمىسپەن قامتىعان ازاماتتار.
بىلتىرعى جىلدىڭ وسى كەزەڭٸمەن سالىستىرعاندا جۇمىسپەن قامتىلعاندار سانى 73,3 مىڭ ادامعا ارتقان. ونىڭ ٸشٸندە جالدامالى جۇمىسشىلار سانى 92,3 مىڭ ادامعا كٶبەيگەن.
