Qaraǵandy oblysynda eki aiǵa jýyq ýaqyt boiy iz-túzsiz joǵalǵan 38 jastaǵy Irina Kernniń máiiti tabyldy. Áieldi óltirdi degen kúdikpen 40 jastaǵy er adam ustaldy, dep habarlaidy ult.kz.
Politsiia málimetinshe, marqumnyń denesi 13 qarashada Temirtaýdan 22 shaqyrym qashyqtyqtaǵy aýmaqtan tabylǵan. Saraptama barysynda zorlyqpen óltirilgeni anyqtalǵan.
Qylmysqa qatysy bar degen kúdikpen 40 jastaǵy er adam qolǵa túsip, ýaqytsha ustaý izoliatoryna qamaldy.
Atalǵan derek boiynsha kisi óltirý baby negizinde sotaldy tergeý bastaldy. Qazir oqiǵanyń mán-jaiy anyqtalyp jatyr.
Aita keteiik, Irina joǵalyp ketkennen keiin týystary ony óz betinshe izdegen. Olar áieldiń tanystaryna habarlasyp, bolýy múmkin jerlerdi teksergen. Alaida onyń joǵalǵany týraly politsiiaǵa resmi aryz tek 2 qazanda túsken.
Marqumnyń artynda úsh balasy qaldy.
