كٶلٸكتەگٸ پوليتسييا قىزمەتكەرلەرٸ وڭتٷستٸك ٶڭٸرلەردەن استاناعا ەسٸرتكٸ جەتكٸزۋ ارناسىن ەشكەرەلەدٸ. كٷدٸككە ٸلٸنگەن ەكٸ ادام ۇستالدى, دەپ حابارلايدى ult.kz.
بيىل قازان ايىندا «تٷركٸستان – پاۆلودار» باعىتىنداعى پويىزدىڭ 39 جاستاعى جولسەرٸگٸ قولعا تٷستٸ. ونىڭ ٷيٸن تٸنتۋ كەزٸندە 5 كەلٸدەن استام گاشيش تەركٸلەندٸ.
جەدەل-ٸزدەستٸرۋ شارالارى بارىسىندا ەسٸرتكٸنٸ جەتكٸزدٸ دەگەن كٷدٸكپەن 33 جاستاعى جامبىل وبلىسىنىڭ تۋماسى دا ۇستالدى. تەرگەۋ نۇسقاسى بويىنشا, ول بۇل ەرەكەتٸ ٷشٸن اقشا العان.
تەركٸلەنگەن ەسٸرتكٸنٸڭ قارا نارىقتاعى قۇنى 18 ميلليون تەڭگەدەن اسادى.
اتالعان فاكتٸ بويىنشا قىلمىستىق كودەكستٸڭ 297-بابىمەن سوتقا دەيٸنگٸ تەرگەۋ باستالدى. قازٸر ٸسكە قاتىسى بولۋى مٷمكٸن ٶزگە دە ادامدار انىقتالىپ جاتىر.
