Kókshetaýda 40 jastaǵy turǵyn bes tanysyn aýktsionnan arzan kólik alyp berýge ýáde etip, 41 million teńgeden astam aqshaǵa aldap ketken, dep habarlaidy ult.kz.
Polisia.kz málimetinshe, er adam 2023 jyldan bastap Astanadaǵy aýktsionnan tiimdi baǵamen kólik áperetinin aityp, tanystarynyń senimine kirgen. Ol tólemdi bólip jasaýǵa múmkindik usynyp, aldymen bastapqy jarna alǵan.
Jábirlenýshilerdiń biri kúdiktige 11 million 559 myń teńge bergen. Alaida úsh jyl ishinde bes adamnan aqsha alǵan er adam ýádesin oryndamai, qarajatty qaitarmaǵan.
Azamattar politsiiaǵa aryzdanǵan soń, kúdikti izdeýge jariialanǵan. Qazir ol ustalyp, qamaýǵa alyndy. Sotqa deiingi tergeý jalǵasyp jatyr.
Politsiia azamattardy kólik satyp alý kezinde mámileni resmi rásimdep, aqshany rastaityn qujattar arqyly ǵana aýdarýǵa shaqyrady.
