Qazaqstanda «Iandeks» kompaniiasynyń bes zańdy tulǵasyna qatysty jospardan tys tekserý júrgiziledi. Qarasha aiynyń sońyna deiin aiaqtalýy tiis zerdeleý barysynda azamattardyń jeke derekterin jinaý, saqtaý jáne qorǵaý talaptarynyń oryndalýy tekseriledi, dep habarlaidy ult.kz.
Bul týraly Premer-ministrdiń orynbasary – Jasandy intellekt jáne tsifrlyq damý ministri Jaslan Mádiev Quryltai depýtattarynyń saýalyna bergen jaýabynda málimdedi.
Ministrdiń túsindirýinshe, vedomstvo derbes derekterdi óńdeitin uiymdardyń qyzmetine memlekettik baqylaý júrgizip, olardyń aqparatty jinaý, óńdeý jáne saqtaý kezinde zań talaptaryn saqtaýyn qadaǵalaidy.
Osyǵan bailanysty tekserý «Iandeks» kompaniiasynyń Qazaqstandaǵy bes zańdy tulǵasyn qamtidy. Olar:
«Iandeks Kazahstan» JShS;
«Yandex Bastau» JShS;
«Iandeks. Taksi Korp» JShS;
«Iandeks. Eda Kazahstan» JShS;
«Iandeks LLP» JShS.
Jaslan Mádievtiń aitýynsha, tekserý barysynda derbes derekterdi qorǵaý jónindegi zańnama talaptarynyń oryndalýy jan-jaqty zerdelenedi. Ásirese aqparatty Qazaqstan aýmaǵynda saqtaý, derekterdi qorǵaýǵa baǵyttalǵan uiymdastyrýshylyq jáne tehnikalyq sharalardyń tiimdiligine nazar aýdarylady.
Tekserý qorytyndysy boiynsha kompaniialardyń zań talaptaryn saqtaýyna baǵa beriledi. Eger zańbuzýshylyqtar anyqtalsa, olardy joiý jóninde sharalar qabyldanyp, kináli tulǵalardy ákimshilik jaýaptylyqqa tartý máselesi qaralady.
Ministrlik tekserý nátijelerin buqaralyq aqparat quraldarynda jariialaýdy josparlap otyr.
