قازاقستاندا «ياندەكس» كومپانيياسىنىڭ بەس زاڭدى تۇلعاسىنا قاتىستى جوسپاردان تىس تەكسەرۋ جٷرگٸزٸلەدٸ. قاراشا ايىنىڭ سوڭىنا دەيٸن اياقتالۋى تيٸس زەردەلەۋ بارىسىندا ازاماتتاردىڭ جەكە دەرەكتەرٸن جيناۋ, ساقتاۋ جەنە قورعاۋ تالاپتارىنىڭ ورىندالۋى تەكسەرٸلەدٸ, دەپ حابارلايدى ult.kz.
بۇل تۋرالى پرەمەر-مينيستردٸڭ ورىنباسارى – جاساندى ينتەللەكت جەنە تسيفرلىق دامۋ مينيسترٸ جاسلان مەديەۆ قۇرىلتاي دەپۋتاتتارىنىڭ ساۋالىنا بەرگەن جاۋابىندا مەلٸمدەدٸ.
مينيستردٸڭ تٷسٸندٸرۋٸنشە, ۆەدومستۆو دەربەس دەرەكتەردٸ ٶڭدەيتٸن ۇيىمداردىڭ قىزمەتٸنە مەملەكەتتٸك باقىلاۋ جٷرگٸزٸپ, ولاردىڭ اقپاراتتى جيناۋ, ٶڭدەۋ جەنە ساقتاۋ كەزٸندە زاڭ تالاپتارىن ساقتاۋىن قاداعالايدى.
وسىعان بايلانىستى تەكسەرۋ «ياندەكس» كومپانيياسىنىڭ قازاقستانداعى بەس زاڭدى تۇلعاسىن قامتيدى. ولار:
«ياندەكس كازاحستان» جشس;
«Yandex Bastau» جشس;
«ياندەكس. تاكسي كورپ» جشس;
«ياندەكس. ەدا كازاحستان» جشس;
«ياندەكس LLP» جشس.
جاسلان مەديەۆتٸڭ ايتۋىنشا, تەكسەرۋ بارىسىندا دەربەس دەرەكتەردٸ قورعاۋ جٶنٸندەگٸ زاڭناما تالاپتارىنىڭ ورىندالۋى جان-جاقتى زەردەلەنەدٸ. ەسٸرەسە اقپاراتتى قازاقستان اۋماعىندا ساقتاۋ, دەرەكتەردٸ قورعاۋعا باعىتتالعان ۇيىمداستىرۋشىلىق جەنە تەحنيكالىق شارالاردىڭ تيٸمدٸلٸگٸنە نازار اۋدارىلادى.
تەكسەرۋ قورىتىندىسى بويىنشا كومپانييالاردىڭ زاڭ تالاپتارىن ساقتاۋىنا باعا بەرٸلەدٸ. ەگەر زاڭبۇزۋشىلىقتار انىقتالسا, ولاردى جويۋ جٶنٸندە شارالار قابىلدانىپ, كٸنەلٸ تۇلعالاردى ەكٸمشٸلٸك جاۋاپتىلىققا تارتۋ مەسەلەسٸ قارالادى.
مينيسترلٸك تەكسەرۋ نەتيجەلەرٸن بۇقارالىق اقپارات قۇرالدارىندا جارييالاۋدى جوسپارلاپ وتىر.
