قازاقستاندا 2027 جىلعى 1 قاڭتاردان باستاپ بالا كٷتٸمٸ, كٶپبالالى وتباسىلارعا جەنە ناگرادتالعان انالارعا بەرٸلەتٸن جەردەماقىلاردى تاعايىنداۋ مەن تٶلەۋ تەرتٸبٸ ٶزگەرەدٸ. جاڭا ەرەجەگە سەيكەس, كەيبٸر وتباسىلاردىڭ ەلەۋمەتتٸك تٶلەمدەرٸ ۋاقىتشا توقتاتىلۋى مٷمكٸن, دەپ حابارلايدى ult.kz Lada.kz-كە سٸلتەمە جاساپ.
ەڭبەك جەنە حالىقتى ەلەۋمەتتٸك قورعاۋ مينيسترٸ تيٸستٸ بۇيرىققا 2026 جىلعى 30 قازاندا قول قويعان. ٶزگەرٸستەردٸڭ نەگٸزگٸ بٶلٸگٸ 2027 جىلعى 1 قاڭتاردان, ال كەيبٸرٸ 2026 جىلعى 18 قاراشادان باستاپ كٷشٸنە ەنەدٸ.
قانداي جاعدايدا جەردەماقى توقتاتىلادى?
جاڭا تەرتٸپ بويىنشا جەردەماقى الاتىن وتباسىلاردىڭ ەل-اۋقاتى وتباسىنىڭ تسيفرلىق كارتاسى ارقىلى تەكسەرٸلەدٸ.
ەگەر بالا كٷتٸمٸ بويىنشا جەردەماقى, كٶپبالالى وتباسىلارعا بەرٸلەتٸن تٶلەم نەمەسە ناگرادتالعان انالارعا ارنالعان جەردەماقى الاتىن وتباسى ەل-اۋقات دەڭگەيٸ بويىنشا ا نەمەسە ۆ ساناتىنا جاتقىزىلسا, تٶلەم كەلەسٸ ايدىڭ بٸرٸنشٸ كٷنٸنەن باستاپ توقتاتىلادى.
ال وتباسىنىڭ ساناتى س, D نەمەسە ە دەڭگەيٸنە ٶزگەرسە, جەردەماقى جاڭارتىلعان مەلٸمەت الىنعاننان كەيٸنگٸ ايدىڭ بٸرٸنشٸ كٷنٸنەن باستاپ اۆتوماتتى تٷردە قايتا تٶلەنەدٸ.
وتباسىنىڭ ەل-اۋقاتى تۋرالى اقپارات جەردەماقى تاعايىنداۋ جٷيەسٸنە اي سايىن جٸبەرٸلٸپ وتىرادى.
جەردەماقى توقتاتىلۋى مٷمكٸن باسقا جاعدايلار:
- الۋشىنىڭ بانك شوتىندا ٷش اي نەمەسە ودان دا كٶپ ۋاقىت بويى شىعىس وپەراتسييالارى بولماسا;
- قازاقستاننان تۇراقتى تۇرۋعا شەتەلگە كٶشٸپ كەتسە;
- شەتەل ازاماتىنىڭ نەمەسە قانداستىڭ قۇجاتتارىنىڭ جارامدىلىق مەرزٸمٸ اياقتالسا;
- الۋشى ستاتسيونارلىق ەلەۋمەتتٸك قىزمەت كٶرسەتۋ مەكەمەسٸندە تولىق مەملەكەتتٸك قامتاماسىز ەتۋدە بولسا;
- باس بوستاندىعىنان ايىرۋ جازاسىن ٶتەپ جاتسا.
كٶپبالالى وتباسىلار ٷشٸن تاعى بٸر نەگٸز قاراستىرىلعان. ەگەر بالالاردىڭ بٸرٸ 18 جاسقا تولسا, جەردەماقى توقتاتىلۋى مٷمكٸن. الايدا ول كٷندٸزگٸ بٶلٸمدە بٸلٸم الۋدى جالعاستىرسا, تٶلەم 23 جاسقا تولعانعا دەيٸن قايتا تاعايىندالۋى مٷمكٸن.
جەردەماقى تٶلەۋدٸ توقتاتۋعا سەبەپ بولعان جاعداي جويىلىپ, ازاماتتىڭ تٶلەم الۋعا قۇقىعى ساقتالسا, اقشا قايتا تٶلەنەدٸ.
جەردەماقى رەسٸمدەۋ ٷشٸن قوسىمشا كەلٸسٸم قاجەت
جاڭا ەرەجەگە سەيكەس, ٶتٸنٸش بەرۋشٸلەر جەكە دەرەكتەرٸن جيناۋعا, ٶڭدەۋگە جەنە تەكسەرۋگە كەلٸسٸم بەرۋٸ كەرەك. ونىڭ ٸشٸندە بانكتٸك قۇپيياعا جاتاتىن مەلٸمەتتەر دە بار.
سونداي-اق كرەديتتٸك بيۋرودان نەسيە بويىنشا بەرەشەك, اي سايىنعى تٶلەمدەر مەن مەرزٸمٸ ٶتكەن مٸندەتتەمەلەر تۋرالى اقپارات الۋعا كەلٸسٸم تالاپ ەتٸلەدٸ.
ەگەر ٶتٸنٸش بەرۋشٸ مۇنداي كەلٸسٸم بەرمەسە, جەردەماقى تاعايىنداۋ تۋرالى ٶتٸنٸشٸ قابىلدانبايدى.
قۇجاتتاعى قاتەلەردٸ تٷزەتۋگە مٷمكٸندٸك بەرٸلەدٸ
2026 جىلعى 18 قاراشادان باستاپ قۇجاتتارداعى قاتەلەردٸ تٷزەتۋگە نەمەسە جەتٸسپەيتٸن قۇجاتتاردى تولىقتىرۋعا مٷمكٸندٸك بەرٸلەدٸ.
ول ٷشٸن ٶتٸنٸش بەرۋشٸگە ەكٸ جۇمىس كٷنٸ بەرٸلەدٸ. بۇل ۋاقىت مەملەكەتتٸك قىزمەت كٶرسەتۋ مەرزٸمٸنە قوسىلمايدى.
ەگەر ازامات وسى مەرزٸمدە كەمشٸلٸكتەردٸ تٷزەتسە, ٶتٸنٸش بەرٸلگەن باستاپقى كٷن ساقتالادى. ال بەلگٸلەنگەن ۋاقىتتا تٷزەتپەسە, ٶتٸنٸشتٸ قابىلداۋدان باس تارتىلادى.
اتا-انالار ٷشٸن تاعى قانداي ٶزگەرٸستەر بار?
بالا كٷتٸمٸ بويىنشا جەردەماقى بالا تۋعان كٷننەن باستاپ بٸر جارىم جاسقا تولعانعا دەيٸن تٶلەنەدٸ. بالا اسىراپ الۋشىلار مەن قورعانشىلار ٷشٸن بٶلەك شارتتار قاراستىرىلعان.
كٶپبالالى وتباسىنىڭ قۇرامىن انىقتاعاندا تۋعان, اسىراپ الىنعان, قورعانشىلىقتاعى بالالار, سونداي-اق باسقا اتا-اناسىنىڭ وتباسىندا ەسەپكە الىنباعان ٶگەي بالالار دا ەسكەرٸلەدٸ.
بۇعان قوسا, بالانىڭ تۋۋ تۋرالى كۋەلٸگٸ, وقۋ ورنىنان انىقتاما جەنە بانك شوتى تۋرالى مەلٸمەتتەر مەملەكەتتٸك تسيفرلىق جٷيەلەردە بولسا, ولاردى قاعاز تٷرٸندە قايتا تاپسىرۋ قاجەت بولمايدى.
بالا دٷنيەگە كەلگەن كەزدە اتا-انالار تۋۋىنا بايلانىستى بەرٸلەتٸن بٸرجولعى جەردەماقى مەن بالا كٷتٸمٸ بويىنشا تٶلەمدٸ بٸر كەشەندٸ مەملەكەتتٸك قىزمەت اياسىندا قاتار رەسٸمدەي الادى.
سونداي-اق ازاماتتارعا جەردەماقىدان ٶز ەركٸمەن باس تارتۋ قۇقىعى بەرٸلەدٸ. كەيٸن قايتا ٶتٸنٸش بەرگەن جاعدايدا تٶلەم جاڭا ٶتٸنٸش تاپسىرىلعان كٷننەن باستاپ تاعايىندالادى.
