قازاقستان حالىق پەن كەسٸپكەرلٸك ٷشٸن قولايلى مٷمكٸندٸكتەرٸ بار ٷزدٸك 50 ەلدٸڭ قاتارىنا قوسىلىپ, Best Countries 2026 حالىقارالىق رەيتينگٸندە 44-ورىنعا يە بولدى. ەلەۋمەتتٸك قورعاۋ, بٸلٸم بەرۋ جەنە دەنساۋلىق ساقتاۋ سالالارى ەلدٸڭ ەڭ جوعارى باعالانعان باعىتتارى قاتارىنان كٶرٸندٸ. ال جالپى رەيتينگتە قازاقستان 53-ورىنعا تۇراقتادى.
رەيتينگتٸ امەريكالىق U.S. News & World Report باسىلىمى پەنسيلۆانييا ۋنيۆەرسيتەتٸنٸڭ ۋورتون بيزنەس مەكتەبٸمەن بٸرلەسٸپ ەزٸرلەگەن. زەرتتەۋ 100 مەملەكەتتٸ قامتىپ, ولار سەگٸز باعىت جەنە 100 كٶرسەتكٸش بويىنشا باعالانعان.
بيىل رەيتينگتٸ قۇراستىرۋشىلار باعالاۋ ەدٸستەمەسٸن ٶزگەرتتٸ. بۇرىنعىداي ەلدەر تۋرالى قوعامدىق پٸكٸرگە نەگٸزدەلگەن ساۋالنامالاردىڭ ورنىنا حالىقارالىق ۇيىمداردىڭ ستاتيستيكالىق دەرەكتەرٸنە باسىمدىق بەرٸلدٸ.
قازاقستان ەڭ جوعارى باعالانعان باعىتتار بويىنشا
قازاقستان ەڭ جوعارى كٶرسەتكٸشكە «مٷمكٸندٸكتەر» ساناتىندا قول جەتكٸزدٸ. بۇل باعىت كەسٸپكەرلٸككە قولايلى جاعداي, جۇمىسپەن قامتۋ, بٸلٸم بەرۋ, ەلەۋمەتتٸك قورعاۋ, سالىق جٷكتەمەسٸ جەنە قارجى رەسۋرستارىنا قولجەتٸمدٸلٸك سيياقتى ٶلشەمدەردٸ قامتيدى.
اتالعان ساناتتا قازاقستان 53,9 بالل جيناپ, 44-ورىنعا ورنالاستى.
ەسٸرەسە ەلەۋمەتتٸك قورعاۋ جٷيەسٸنە بەرٸلگەن باعا جوعارى – 100 بالدىڭ 94,1-ٸ. جەكە تابىس سالىعى كٶرسەتكٸشٸ 80,2 بالدى, ال حالىقتىڭ بٸلٸم جەتٸستٸكتەرٸ 71,8 بالدى قۇرادى.
بۇل كٶرسەتكٸشتەر رەيتينگ ەدٸستەمەسٸنە سەيكەس بەرٸلگەن باعالاردى بٸلدٸرەدٸ. مىسالى, ەلەۋمەتتٸك قورعاۋ بويىنشا 94,1 بالل جيناۋ مەملەكەتتٸك باعدارلامالار ەل حالقىنىڭ دەل 94,1 پايىزىن قامتيدى دەگەندٸ بٸلدٸرمەيدٸ.
رەيتينگتە قازاقستاننىڭ بٸلٸم بەرۋ سالاسىنا قاتىستى تاعى بٸر كٶرسەتكٸش كەلتٸرٸلگەن. ەلدەگٸ وقۋدىڭ ورتاشا ۇزاقتىعى 12,5 جىلدى قۇرايدى.
دەنساۋلىق ساقتاۋ مەن ينفراقۇرىلىم دا ٷزدٸك باعىتتار قاتارىندا
دەنساۋلىق ساقتاۋ ساناتىندا قازاقستان 64,2 بالل جيناپ, 50-ورىنعا يە بولدى.
زەرتتەۋشٸلەر بۇل باعىتتى باعالاۋ كەزٸندە مەديتسينالىق كٶمەكتٸڭ قولجەتٸمدٸلٸگٸن, ٶمٸر سٷرۋ ۇزاقتىعىن, دەرٸگەرلەرمەن قامتاماسىز ەتٸلۋ دەڭگەيٸن, ۆاكتسيناتسييانى, مەديتسينالىق ينفراقۇرىلىمنىڭ جاي-كٷيٸن جەنە باسقا دا كٶرسەتكٸشتەردٸ ەسكەرگەن.
رەيتينگ دەرەكتەرٸنە سەيكەس, قازاقستاندا ەر مىڭ تۇرعىنعا شاققاندا 3,8 دەرٸگەردەن كەلەدٸ. ال كٷتٸلەتٸن ٶمٸر سٷرۋ ۇزاقتىعى – 74,4 جىل.
ينفراقۇرىلىم ساناتىندا ەلٸمٸز 64 بالمەن 54-ورىنعا تۇراقتادى.
بۇل باعىتتا ەلەكتر ەنەرگيياسىنىڭ قولجەتٸمدٸلٸگٸ, كٶلٸك جەلٸلەرٸنٸڭ ساپاسى, ينتەرنەت, سۋمەن جابدىقتاۋ, سانيتارلىق جاعداي جەنە ەنەرگەتيكالىق جٷيەنٸڭ تۇراقتىلىعى ەسكەرٸلەدٸ.
قازاقستاننىڭ رەيتينگتەگٸ پروفيلٸندە حالىقتىڭ 97,9 پايىزى بازالىق سانيتارلىق جاعدايلارعا قول جەتكٸزە الاتىنى, ال كەڭجولاقتى ينتەرنەتتٸڭ ورتاشا جىلدامدىعى سەكۋندىنا 88,1 مەگابيتتٸ قۇرايتىنى كٶرسەتٸلگەن.
قازاقستان ورتالىق ازييا ەلدەرٸ اراسىندا ٶزبەكستاننان وزىق
Best Countries 2026 جالپى رەيتينگٸندە قازاقستان 53,8 بالل جيناپ, 100 ەلدٸڭ ٸشٸندە 53-ورىنعا ورنالاستى.
ال ٶزبەكستان 46,8 بالمەن 76-ورىنعا تۇراقتادى. وسىلايشا, ەكٸ ەلدٸڭ كٶرسەتكٸشتەرٸ اراسىندا 23 ورىن ايىرماشىلىق بار.
ايتا كەتەيٸك, جالپى رەيتينگ ەكونوميكالىق دامۋ مەن دەنساۋلىق ساقتاۋدان باستاپ, مەملەكەتتٸك باسقارۋ, ينفراقۇرىلىم جەنە قوعامدىق ەل-اۋقاتقا دەيٸنگٸ كٶپتەگەن كٶرسەتكٸشتٸ قامتيدى.
بيىلعى رەيتينگتٸڭ بۇرىنعى نەتيجەلەردەن ايىرماشىلىعى نەدە?
Best Countries رەيتينگٸ 2016 جىلدان بەرٸ جارييالانىپ كەلەدٸ. الايدا 2026 جىلى ونى باعالاۋ ەدٸستەمەسٸ ەدەۋٸر ٶزگەرتٸلدٸ.
زەرتتەۋ اياسىندا 30-دان استام ۇيىم مەن دەرەككٶزدٸڭ ستاتيستيكالىق مەلٸمەتتەرٸ جيناقتالعان. ولاردىڭ قاتارىندا دٷنيەجٷزٸلٸك بانك, بٸرٸككەن ۇلتتار ۇيىمىنىڭ قۇرىلىمدارى جەنە حالىقارالىق ەڭبەك ۇيىمى بار.
كٶرسەتكٸشتەر سەگٸز باعىتقا بٶلٸنٸپ, ەر ساناتتىڭ ماڭىزدىلىعى حالىقارالىق ساراپشىلاردىڭ قاتىسۋىمەن انىقتالعان.
جاڭا ەدٸستەمەگە بايلانىستى 2026 جىلعى نەتيجەلەردٸ رەيتينگتٸڭ بۇعان دەيٸنگٸ شىعارىلىمدارىمەن تٸكەلەي سالىستىرۋ دۇرىس ەمەس.
قازاقستان ٷشٸن بيىلعى رەيتينگتەگٸ ەڭ ەلەۋلٸ نەتيجە – مٷمكٸندٸكتەر ساناتىندا 44-ورىنعا يە بولۋى. بۇل باعىتتا ەلٸمٸز ەلەمدٸك رەيتينگتٸڭ العاشقى جارتىسىنا ەنسە, جالپى كٶرسەتكٸش بويىنشا ورتالىق ازيياداعى تاعى بٸر مەملەكەت – ٶزبەكستاننان وزىپ تۇر.
