مەملەكەت باسشىسى قاسىم-جومارت توقاەۆ قازاق تٸلٸنٸڭ بولاشاعىنا ەشقانداي قاۋٸپ تٶنٸپ تۇرماعانىن مەلٸمدەدٸ. ونىڭ ايتۋىنشا, انا تٸلٸ تسيفرلىق تەحنولوگييالار مەن جاساندى ينتەللەكت سالاسىندا دا قارقىندى دامىپ كەلەدٸ, دەپ حابارلايدى ult.kz.
پرەزيدەنت بۇل تۋرالى حالىقارالىق «قازاق تٸلٸ» قوعامىنىڭ X قۇرىلتايىندا سٶيلەگەن سٶزٸندە ايتتى.
مەملەكەت باسشىسى ٶتكەن كەزەڭدەردەگٸ ساياسي قىسىمعا قاراماستان, قازاق تٸلٸنٸڭ ساقتالىپ, دامۋىن توقتاتپاعانىن اتاپ ٶتتٸ. بۇعان ەدەبيەتشٸلەر, تٸل ماماندارى, جۋرناليستەر, زييالى قاۋىم مەن قاراپايىم ازاماتتار ٷلەس قوسقان.
«ال قازٸرگٸ تاڭدا تٸلٸمٸزدٸڭ كەلەشەگٸنە ەشقانداي قاۋٸپ تٶنٸپ تۇرعان جوق دەپ انىق ايتۋعا بولادى. بٷگٸندە قازاق تٸلٸ وزىق تەحنولوگييالار سالاسىنا كەڭ اۋقىمدا ەنٸپ, زامان تالابىنا ساي دامىپ كەلە جاتىر», – دەدٸ قاسىم-جومارت توقاەۆ.
پرەزيدەنتتٸڭ سٶزٸنشە, بٷگٸندە ەلٸمٸزدەگٸ كٶپتەگەن تسيفرلىق پلاتفورما قازاق تٸلٸندە قىزمەت كٶرسەتەدٸ. سونىمەن قاتار ەلەمدٸك تەحنولوگييالىق كومپانييالار دا قازاق تٸلٸنٸڭ ەلەۋەتٸن مويىنداي باستاعان.
قازاق تٸلٸ جاساندى ينتەللەكت جٷيەسٸندە دامىپ كەلەدٸ
توقاەۆ OpenAI كومپانيياسى جٷرگٸزگەن زەرتتەۋگە توقتالىپ, سوڭعى ٷش جىلدا قازاق تٸلٸ جاساندى ينتەللەكت جٷيەلەرٸندە قولدانىسى قارقىندى كەڭەيٸپ كەلە جاتقان تٸلدەردٸڭ قاتارىنا ەنگەنٸن ايتتى.
سونداي-اق Yandex كومپانيياسىنىڭ مەلٸمەتٸنشە, بىلتىردان بەرٸ ونىڭ بٸر ٶنٸمٸن قازاق تٸلٸندە پايدالاناتىن ادامداردىڭ سانى 30 پايىزعا ارتقان.
بۇدان بٶلەك, Google كومپانيياسى ٶتكەن جىلى قازاق تٸلٸن Gemini تٸلدٸك مودەلٸنە ەنگٸزگەن.
مەملەكەت باسشىسى مۇنىڭ بارلىعى قازاق تٸلٸن عىلىم تٸلٸ رەتٸندە دامىتۋ باعىتىنداعى جٷيەلٸ جۇمىستىڭ نەتيجەسٸ ەكەنٸن اتاپ ٶتتٸ.
«التىن شىققان جەردٸ بەلدەن قاز» دەگەن. سوندىقتان بٸز وسى باعىتتا باستالعان ٶتە قاجەتتٸ ەرٸ ماڭىزدى جۇمىستى توقتاتپاي, جالعاستىرا بەرۋٸمٸز كەرەك», – دەدٸ پرەزيدەنت.
