اقش پرەزيدەنتٸ دونالد ترامپ ۋكرايناداعى سوعىس جاقىن ارادا اياقتالۋى مٷمكٸن ەكەنٸن مەلٸمدەدٸ. الايدا ونىڭ ايتۋىنشا, سوعىس بٸتكەننەن كەيٸن ۋكراينا «بٸرشاما باسقا كەيٸپكە» ەنۋٸ ىقتيمال. بۇل تۋرالى ول CBS News تەلەارناسىنداعى «60 Minutes» باعدارلاماسىنا بەرگەن سۇحباتىندا ايتتى, دەپ حابارلايدى ult.kz.
سۇحبات بارىسىندا ترامپ اقش-تىڭ بۇرىنعى پرەزيدەنتٸ دجو بايدەن ەكٸمشٸلٸگٸنٸڭ ۋكرايناعا كٶرسەتكەن قارجىلاي جەنە ەسكەري كٶمەگٸن سىنعا الدى.
ونىڭ سٶزٸنشە, بايدەن كيەۆكە 350 ميلليارد دوللار كٶلەمٸندە قارجى مەن قارۋ-جاراق بەرگەن. ال ترامپ ەكٸمشٸلٸگٸ ۋكرايناعا قارۋدى تٸكەلەي تەگٸن بەرمەي, ەۋروپا ەلدەرٸنە تولىق باعاسىمەن ساتىپ وتىرعانىن ايتتى.
«مەن ولارعا ەشتەڭە بەرگەن جوقپىن. قارۋدى ەۋروپاعا تولىق باعاسىمەن ساتتىم, ولار بٸزگە اقشا تٶلەيدٸ. بۇعان دەيٸن مۇنداي كٶمەك كٶرسەتٸلگەنٸنە كٶڭٸلٸم تولمادى, ٶيتكەنٸ مۇنى اقىماقتىق دەپ سانادىم. ەۋروپانىڭ اقشاسى بار, ولار قارۋ-جاراقتىڭ اقىسىن تٶلەي الار ەدٸ», – دەدٸ ترامپ.
جۋرناليست اقش كٶمەگٸنٸڭ نەتيجەسٸندە ۋكراينانىڭ تەۋەلسٸزدٸگٸن ساقتاپ قالعانىن ايتقان كەزدە, امەريكا پرەزيدەنتٸ بۇعان كەلٸسپەدٸ.
«ەزٸرگە ولاي بولعان جوق. ەزٸرگە ەشتەڭەگە قول جەتكٸزگەن جوقسىزدار. مۇنىڭ سوڭى نەمەن اياقتالاتىنىن كٶرەيٸك. مەنٸڭ ويىمشا, تٷپتٸڭ تٷبٸندە ۋكراينا بٸرشاما باسقا كەيٸپكە ەنەدٸ», – دەدٸ ول.
ترامپ سوعىستىڭ اياقتالۋىنا نە كەدەرگٸ دەپ سانايدى?
اقش پرەزيدەنتٸ بەيبٸت كەلٸسٸمگە كەلۋگە باستى كەدەرگٸ رەتٸندە ۋكراينا پرەزيدەنتٸ ۆلاديمير زەلەنسكيي مەن رەسەي پرەزيدەنتٸ ۆلاديمير پۋتين اراسىنداعى «شەكتەن تىس ٶشپەندٸلٸكتٸ» اتادى.
سوعان قاراماستان, ترامپ ەكٸ تاراپپەن دە كەلٸسسٶز جٷرگٸزٸپ, سوعىستى توقتاتۋعا قاۋقارلى ەكەنٸن جەتكٸزدٸ.
«مەنٸڭ ويىمشا, بۇل سوعىس اياقتالادى جەنە ول جاقىن ارادا بٸتەدٸ. ونىڭ اياقتالۋىنىڭ جالعىز سەبەبٸ – مەن بولامىن», – دەپ مەلٸمدەدٸ اقش باسشىسى.
Starlink جۇمىسىنا قاتىستى نە دەدٸ?
سۇحباتتا ۋكراينا اۋماعىنداعى Starlink سپۋتنيكتٸك بايلانىس جٷيەسٸنٸڭ جۇمىسى باياۋلاۋى نەمەسە ٷزٸلۋٸ مٷمكٸن دەگەن مەسەلە دە كٶتەرٸلدٸ.
ترامپ جەلٸنٸڭ ەدەيٸ ٶشٸرٸلگەنٸنە قاتىستى ٶزٸندە ەشقانداي دەلەل جوق ەكەنٸن ايتتى.
«بٸلمەيمٸن. بۇل ٶتە جاقسى جٷيە. ونىڭ جۇمىسى باياۋلاعان بولۋى مٷمكٸن, بٸراق ماعان مۇنى راستايتىن دەلەل ۇسىنعان جوق. بۇل سوعىسقا قاتىستى كٶپتەگەن جالعان اقپارات تارالىپ جاتىر. مەن بۇل تۋرالى ەستٸگەن كەزدە جٷيەنٸڭ جۇمىسى قالپىنا كەلتٸرٸلگەن ەدٸ», – دەدٸ ول.
