قازاقستاندىق كەسٸپكەر قىرعىزستان پرەزيدەنتٸ سادىر جاپاروۆقا الاياقتىققا قاتىستى شاعىم ايتىپ, 200 مىڭ دوللاردان استام اقشاسىنان ايىرىلعانىن مەلٸمدەدٸ. مەملەكەت باسشىسى قۇقىق قورعاۋ ورگاندارىنا ٸستٸ جەكە باقىلاۋعا الىپ, كٷدٸكتٸلەردٸ ۇستاۋدى جەنە اقشانى قايتارۋعا كٶمەكتەسۋدٸ تاپسىردى, دەپ حابارلايدى ult.kz.
وقيعا سادىر جاپاروۆتىڭ قوعام ٶكٸلدەرٸمەن كەزدەسۋٸندە بولعان. كەزدەسۋ بارىسىندا ميكروفون العان قازاقستاندىق كەسٸپكەر قىرعىزستاننان كارەر ساتىپ العانىن, الايدا كەيٸن ساتۋشىلاردىڭ ونى الداپ, نىساندى قايتادان ٶز يەلٸكتەرٸنە الىپ قويعانىن ايتتى.
كەسٸپكەردٸڭ سٶزٸنشە, الاياقتاردىڭ بٸرٸ ٶزٸن ازامات جاپاروۆ دەپ تانىستىرىپ, قىرعىزستان پرەزيدەنتٸنٸڭ تۋعان جيەنٸ ەكەنٸن ايتقان. الايدا كەيٸن كەسٸپكەر ونىڭ مەملەكەت باسشىسىنا ەشقانداي تۋىستىق قاتىسى جوق, تەك اتتاس ادام ەكەنٸن انىقتاعان.
جاپاروۆ كەسٸپكەردٸڭ شاعىمىنا بٸردەن جاۋاپ بەرٸپ, ٸشكٸ ٸستەر مينيسترلٸگٸ ٶكٸلدەرٸنە ٸستٸ جەكە باقىلاۋعا الۋدى تاپسىردى.
«كەزدەسۋ اياقتالعان سوڭ ونى بٸردەن قابىلداپ, بارلىق مەن-جايدى انىقتاڭىزدار. اتى اتالعان ادامداردى ۇستاڭىزدار جەنە 200 مىڭ دوللارىن قايتارۋعا كٶمەكتەسٸڭٸزدەر», – دەدٸ قىرعىزستان پرەزيدەنتٸ.
ەزٸرگە قۇقىق قورعاۋ ورگاندارىنىڭ كەسٸپكەرگە اقشاسىن قايتارۋعا قول جەتكٸزگەنٸ تۋرالى اقپارات جوق.
