«قازاقمىس» كورپوراتسيياسى ۇلىتاۋ, قاراعاندى جەنە اباي وبلىستارىنداعى قولدانىستاعى كەن ورىندارى مەن كەلەشەگٸ بار ۋچاسكەلەردە كەڭ اۋقىمدى گەوفيزيكالىق زەرتتەۋلەر جٷرگٸزٸپ جاتىر. جەر قويناۋىنىڭ گەولوگييالىق قۇرىلىمىن دەل زەردەلەۋ جەنە تاۋ-كەن جۇمىستارىن جوسپارلاۋ ساپاسىن ارتتىرۋ ماقساتىندا كەسٸپورىن ەلەكترلٸك جەنە ماگنيتتٸك بارلاۋدى, ۇشقىشسىز ۇشۋ اپپاراتتارى ارقىلى اەروسۋرەتكە تٷسٸرۋدٸ, سونداي-اق لازەرلٸك 3D-سكانەرلەۋدٸ بەلسەندٸ قولدانۋدا, دەپ حابارلايدى Ult.kz.
ماڭىزدى جوبالاردىڭ بٸرٸ رەتٸندە «قازاقمىس» توبىنىڭ قۇرامىنا كٸرەتٸن Qazaq Geophysics كومپانيياسىنىڭ ۇلىتاۋ وبلىسىنداعى تاسقۇرا ۋچاسكەسٸندە باستاعان ەلەكترلٸك بارلاۋ جۇمىستارىن اتاپ ٶتۋگە بولادى. ۇزاقتىعى 156 قۋما شاقىرىمدى قۇرايتىن بۇل زەرتتەۋ اياسىندا ماماندار 500 مەتر تەرەڭدٸككە دەيٸنگٸ گەولوگييالىق قۇرىلىمدى زەردەلەپ, مىس-سۋلفيدتٸ مينەرالدانۋ بەلگٸلەرٸ بار ايماقتاردى انىقتاۋدى كٶزدەپ وتىر. جوبانىڭ 15 شاقىرىمى 2026 جىلدىڭ سوڭىنا دەيٸن, ال قالعان 141 شاقىرىمى 2027 جىلى ورىندالادى.
گەوفيزيكالىق بارلاۋ جۇمىستارى باسقا ٶڭٸرلەردە دە قارقىندى جٷرٸپ جاتىر. اباي وبلىسىنداعى قۇسمۇرىن-اقباستاۋ كەن الاڭىندا 52,4 شاقىرىمدىق ەلەكترلٸك بارلاۋ اياقتالىپ, ۇڭعىمالاردا قوسىمشا زەرتتەۋلەر جوسپارلاندى.
قاراعاندى وبلىسىنداعى بۇرناق الاڭىندا 702 شاقىرىم جەر ٷستٸ ماگنيتتٸك بارلاۋى, ال قىزىلادىر ۋچاسكەسٸندە 19,5 شارشى شاقىرىم اۋماقتى قامتيتىن جۇمىستار ورىندالدى. سونىمەن قاتار مولدىباي ۋچاسكەسٸندە 310 شاقىرىمدىق ماگنيتتٸك بارلاۋدىڭ العاشقى كەزەڭٸ اياقتالدى.
ٶندٸرٸستٸ تسيفرلاندىرۋ باعىتىندا ابىز كەنٸشٸندەگٸ كارەردٸ ۇشقىشسىز اپپاراتتار ارقىلى تٷسٸرۋ جەنە جىلاندى كەنٸشٸنٸڭ جەر استى قازبالارىندا لازەرلٸك 3D-سكانەرلەۋ جٷرگٸزٸلدٸ.
الىنعان دەرەكتەر كەن ورىندارىنىڭ ٷش ٶلشەمدٸ تسيفرلىق مودەلدەرٸن ەزٸرلەۋگە, كارەرلەردٸڭ پايدالانۋ مەرزٸمٸن ۇزارتۋعا جەنە تاۋ-كەن جۇمىستارىن جوعارى دەلدٸكپەن جوسپارلاۋعا مٷمكٸندٸك بەرەدٸ. زاماناۋي تەحنولوگييالاردى قولدانۋ كورپوراتسييانىڭ مينەرالدىق-شيكٸزات بازاسىن كەڭەيتۋگە جەنە ٶندٸرٸستٸك شەشٸمدەردٸڭ عىلىمي نەگٸزدٸلٸگٸن قامتاماسىز ەتۋگە باعىتتالعان.
