الماتىداعى سەتباەۆ كٶشەسٸنٸڭ بويىنداعى ارىقتاردىڭ بٸر بٶلٸگٸ ارنايى پليتالارمەن جابىلىپ جاتىر. قالالىق قوعامدىق كەڭٸستٸكتەردٸ دامىتۋ باسقارماسى بۇل جۇمىستاردىڭ نە ٷشٸن جٷرگٸزٸلٸپ جاتقانىن تٷسٸندٸردٸ, دەپ حابارلايدى ult.kz.
جۇمىس بارىسى تٷسٸرٸلگەن ۆيدەو ەلەۋمەتتٸك جەلٸدە تارادى. كادرلاردان جۇمىسشىلاردىڭ ارىق جٷيەسٸنٸڭ ٷستٸنە ارنايى پليتالار ورناتىپ جاتقانىن كٶرۋگە بولادى. جەلٸ قولدانۋشىسى مۇنىڭ سەبەبٸن سۇراعان.
قالالىق باسقارمانىڭ مەلٸمەتٸنشە, قازٸر سەتباەۆ كٶشەسٸنٸڭ بايزاقوۆ كٶشەسٸنەن لۋگانسكيي كٶشەسٸنە دەيٸنگٸ ارالىعىندا كەشەندٸ اباتتاندىرۋ جۇمىستارى جٷرگٸزٸلٸپ جاتىر.
جوبا اياسىندا جاياۋ جٷرگٸنشٸلەر جولىن كەڭەيتۋ, ۆەلوينفراقۇرىلىم سالۋ, كٶگالداندىرۋ جەنە سىرتقى جارىقتاندىرۋ جٷيەسٸن جاڭعىرتۋ قاراستىرىلعان.
اتاپ ايتقاندا, مٷسٸرەپوۆ كٶشەسٸمەن قيىلىساتىن تۇستاعى سەتباەۆ كٶشەسٸنٸڭ وڭتٷستٸك بٶلٸگٸندە ارىق جٷيەسٸنٸڭ شامامەن 5-7 مەتر جەرٸ ارنايى پليتالارمەن جابىلادى.
باسقارما ٶكٸلدەرٸ مۇنداي شەشٸم ۆەلوسيپەدشٸلەردٸڭ قاۋٸپسٸز ەرٸ ٷزدٸكسٸز قوزعالۋىنا مٷمكٸندٸك بەرەتٸنٸن ايتتى. سونىمەن قاتار بۇل تەسٸل جاسىل جەلەك اۋماعىن ايتارلىقتاي قىسقارتپاۋعا جاعداي جاسايدى.
«ارىق جٷيەسٸ ساقتالادى, ونىڭ جاۋىن-شاشىن سۋىن بۇرۋ قىزمەتٸ ٶزگەرمەيدٸ. جابىلعان بٶلٸك جەرگٸلٸكتٸ سيپاتتا بولادى جەنە سۋ اعاتىن ناۋالاردى كەيٸن دە تازالاپ, كٷتٸپ ۇستاۋعا مٷمكٸندٸك قاراستىرىلعان», – دەپ تٷسٸندٸردٸ ۆەدومستۆو.
باسقارما ٶكٸلدەرٸنٸڭ ايتۋىنشا, جۇمىستار بەكٸتٸلگەن جوبا اياسىندا جٷرگٸزٸلٸپ جاتىر. نەگٸزگٸ ماقسات – قولدانىستاعى سۋ بۇرۋ جٷيەسٸن ساقتاي وتىرىپ, جاياۋ جٷرگٸنشٸلەر مەن ۆەلوسيپەدشٸلەرگە قولايلى جاعداي جاساۋ.
