تانىمال ەنشٸ اسحات تارعىن اقتٶبەلٸك ٶنەرپاز جەنٸبەك بەكبوسىنوۆتىڭ قايتىس بولعانىنا بايلانىستى قايعىسىن بٸلدٸرٸپ, مارقۇم تۋرالى ەستەلٸگٸمەن بٶلٸستٸ, دەپ حابارلايدى ult.kz.
ەنشٸ ەلەۋمەتتٸك جەلٸدەگٸ پاراقشاسىندا ەرٸپتەسٸنٸڭ ٶمٸردەن ٶتكەنٸ ٶزٸنە اۋىر تيگەنٸن جازدى. ول جەنٸبەك بەكبوسىنوۆپەن تالاي جىل ارالاسىپ, ساحنادا بٸرگە ەن شىرقاعانىن جەنە تٷرلٸ ٶنەر ساپارلارىندا قاتار جٷرگەنٸن ەسكە الدى.
"جەنٸبەك بەكبوسىنوۆ, جەرلەسٸم, زامانداسىم, تالانتتى ەنشٸ راببىسىنا قايتتى دەگەن حابار ەستٸپ, كٶڭٸلٸم تٷسٸپ وتىر. اقتٶبەدە تالاي كونتسەرتتە بٸرگە جٷرٸپ ەدٸك, تالاي ساپارلاس بولىپ ەدٸم. اللا جانىڭدى جەنناتتا شالقىتسىن! ٶتە جاقسى جٸگٸت ەدٸ. وتباسىنا قايعىرا كٶڭٸل ايتامىن", – دەپ جازدى اسحات تارعىن.
ٶنەر يەسٸ مارقۇمنىڭ ادامگەرشٸلٸگٸ مەن ٶنەردەگٸ ورنىن ەرەكشە اتاپ ٶتٸپ, ونىڭ جاقىندارىنا كٶڭٸل ايتتى.
ايتا كەتەيٸك, بۇعان دەيٸن اقتٶبە جۇرتشىلىعىنا كەڭٸنەن تانىلعان ەنشٸ, تەرمەشٸ ەرٸ ۇستاز جەنٸبەك بەكبوسىنوۆتىڭ دٷنيەدەن ٶتكەنٸ بەلگٸلٸ بولعان ەدٸ.
مارقۇم عازيزا جۇبانوۆا اتىنداعى اقتٶبە وبلىستىق فيلارمونيياسىندا ۇزاق جىل سوليست بولىپ ەڭبەك ەتكەن. ول ٶڭٸردٸڭ مەدەني ٶمٸرٸنە بەلسەنە ارالاسىپ, ۇلتتىق ٶنەردٸڭ ٶركەندەۋٸنە ٷلەس قوستى.
جەنٸبەك بەكبوسىنوۆ قازاقتىڭ حالىق ەندەرٸ مەن تەرمەلەرٸن ورىنداۋمەن قاتار, ەسترادا جانرىندا دا تىڭدارمان ىقىلاسىنا بٶلەنگەن. ٶنەر جولىندا رەسپۋبليكالىق جەنە حالىقارالىق بايقاۋلارعا قاتىسىپ, بٸرنەشە مەرتە لاۋرەات اتانعان.
