بەلگٸلٸ اكتريسا ەرٸ پروديۋسەر داريعا بادىقوۆا بالالىق شاعىندا كٶرگەن جوقشىلىقتى ەسكە الىپ, سۇحبات بارىسىندا كٶز جاسىنا ەرٸك بەردٸ, دەپ حابارلايدى ult.kz.
ٶنەر يەسٸ اينۇر اسانبەردٸگە بەرگەن سۇحباتىندا بالا كٷنٸندە وتباسىنىڭ تۇرمىسى اۋىر بولعانىن جاسىرمادى. ايتۋىنشا, ٷيدە كەيدە قانت پەن كٷندەلٸكتٸ تۇتىناتىن ازىق-تٷلٸكتٸڭ ٶزٸ تابىلماي قالاتىن. سونداي كەزدەرٸ كٸشكەنتاي داريعا قاراپ وتىرماي, جاقىندارىنا كٶمەكتەسۋدٸڭ جولىن ٸزدەگەن.
اكتريسا اۋىل كٶشەلەرٸن ارالاپ, ەن ايتىپ, تۇرعىندار بەرگەن ازىق-تٷلٸكتٸ ٷيٸنە تاسيتىن بولعان. ونىڭ بار ارمانى – باۋىرلارىنىڭ قارنى توق بولۋى.
"مەن داريعاعا ريزامىن. ۋفف, جىلامايمىن دەپ ەدٸم. جۇرت مەنٸ جىلامايدى دەپ ويلايدى. مەن كٸشكەنتاي كەزٸمدە "قانت جوق, باسقا جوق" دەسە, "نەگە جوق, تابۋ كەرەك قوي" دەگەن وي بولاتىن. قالاي جوق بولادى ول? نەگە جوق دەپ ويلايتىنمىن", – دەدٸ اكتريسا.
داريعا بادىقوۆا سول كەزدەگٸ ەرەكەتٸن ەسٸنە الىپ, تاپقانىن ٶزٸ جەمەي, ٷيدەگٸ باۋىرلارىنا جەتكٸزۋگە اسىققانىن ايتتى.
"سوندا تٷستە ەربٸر كٶشەگە شىعىپ, ەن ايتاتىنمىن. "قانت, الما, قۇرت" دەپ ەن ايتسام, ەركٸم قولىنداعىسىن بەرەتٸن. ولاردى جيناپ, ٷيگە الىپ كەلەتٸنمٸن. ٸنٸم مەن ەپكەمنٸڭ جەگەنٸنە مەز بولاتىنمىن. سولار جەسە ەكەن, سولار ٸشسە ەكەن دەپ ويلايتىنمىن", – دەپ ەسكە الدى ول.
ٶنەر يەسٸنٸڭ سٶزٸنشە, اۋىل تۇرعىندارى ونى جاقسى كٶرٸپ, قولدارىنان كەلگەنشە كٶمەكتەسكەن. ول جۇرت دەمالىپ جاتقان تٷسكٸ ۋاقىتتا تٶرت-بەس كٶشەنٸ ارالاپ, ەن شىرقايتىن بولعان. بالالىق شاعى تۋرالى ەڭگٸمەلەگەن اكتريسا تۋعان اۋىلىنا دەگەن العىسىن دا بٸلدٸردٸ. ٶتكەن كٷندەردٸ ەسكە الۋ وعان وڭاي تيمەي, سۇحبات كەزٸندە كٶڭٸلٸ بوساپ, جىلاپ قالدى.
ەلەۋمەتتٸك جەلٸ قولدانۋشىلارى اكتريسانىڭ ەڭگٸمەسٸنە ەسەرلەنٸپ, ونىڭ كٸشكەنتايىنان باۋىرلارىنا قامقور بولعانىن اتاپ ٶتتٸ. كٶپشٸلٸك ٶنەر يەسٸنە جىلى لەبٸزٸن بٸلدٸردٸ.
