قازاقستاندىق ٶنەر يەلەرٸنٸڭ اراسىندا پلاستيكالىق حيرۋرگتٸڭ كٶمەگٸنە جٷگٸنگەنٸن اشىق ايتقاندار بار. بٸرٸ قاباعىن تٷزەتسە, ەندٸ بٸرٸ دەنە بٸتٸمٸنە ٶزگەرٸس ەنگٸزگەن, دەپ حابارلايدى ult.kz.

ايگٷل يمانباەۆا

ەنشٸ ەرٸ اكتريسا ايگٷل يمانباەۆا 2023 جىلى قاباعىنا بلەفاروپلاستيكا جاساتقانىن ەلەۋمەتتٸك جەلٸدە جارييالاعان. ٶنەر يەسٸ حيرۋرگتٸڭ كٶمەگٸنە جٷگٸنۋگە ۇزاق دايىندالىپ, اقىرى شەشٸم قابىلداعانىن ايتقان.

“بلەفاروپلاستيكاعا بارا جاتىرمىن. اقىرى جاساتۋعا بەل بۋدىم”, – دەگەن ەنشٸ.

وتادان كەيٸن ايگٷل يمانباەۆا وقىرماندارىنا ەسەرٸمەن بٶلٸسٸپ, نەتيجەسٸن كٶرسەتەتٸنٸن جەتكٸزگەن.

ايقىن تٶلەپبەرگەن

ايقىن تٶلەپبەرگەن دە قاباعىن تٷزەتكەنٸن جاسىرماعان. ەنشٸ تيمۋر بالىمبەتوۆكە بەرگەن سۇحباتىندا 2021 جىلدىڭ قىسىندا بلەفاروپلاستيكا جاساتقانىن ايتقان.

ونىڭ سٶزٸنشە, ۋاقىت ٶتە قاباعى تٶمەن تٷسە باستاعان. سوندىقتان ماماننىڭ كەڭەسٸنە قۇلاق اسىپ, وتا جاساتۋعا كەلٸسكەن. حيرۋرگييالىق تٷزەتۋدٸ ٶزٸنٸڭ جاقىن دوسىنا سەنٸپ تاپسىرعان.

“قاباعىم تٷسٸپ كەتٸپتٸ. ۋاقىتىندا وسىلاي كٶتەرٸپ قويساڭ دۇرىس بولادى دەگەن سوڭ, جاساتتىم”, – دەپ تٷسٸندٸرگەن ٶنەر يەسٸ.

زارينا وماروۆا

زارينا وماروۆا كٶزٸنە پلاستيكالىق وتا جاساتقانىن جەتٸنشٸ ارنانىڭ “قىزدار-اي” باعدارلاماسىندا ايتقان. ەنشٸ مۇنداي ٶزگەرٸستٸ بۇرىننان ويلاپ جٷرگەنٸن جەتكٸزگەن.

“تەك قانا كٶزٸمدٸ جاساتامىن دەيتٸنمٸن. ٶيتكەنٸ كٶزٸم كٸشكەنتايىمنان سىقسي بولاتىن”, – دەگەن ول.

ٶنەر يەسٸ ەلەۋمەتتٸك جەلٸدە كٶزٸنٸڭ پٸشٸنٸنە قاتىستى پٸكٸرلەر جازىلاتىنىن دا سٶز ەتكەن. ونىڭ وسى مەلٸمدەمەسٸ 2023 جىلعى ناۋرىزدا جارييالانعان.

ەلٸشەر كەرٸموۆ

ەلٸشەر كەرٸموۆ اسحات سادىربايعا بەرگەن سۇحباتىندا ٷستٸڭگٸ قاباعىنداعى ارتىق تەرٸنٸ الدىرعانىن بايانداعان. ەنشٸنٸڭ ايتۋىنشا, قاباعى تٷسٸپ, ۇيقىدان تۇرعان كەزدە بەتٸ شارشاڭقى كٶرٸنە بەرگەن.

ول وسى مەسەلەنٸ تٷزەتۋ ٷشٸن سانكت-پەتەربۋرگتەگٸ ماماندارعا جٷگٸنگەن. ەنشٸ وتا شامامەن 40 مينۋتقا سوزىلعانىن ايتقان.

ەلٸشەر سۇحباتتا بۇل ٶزگەرٸستٸ ٶزٸ “پلاستيكالىق وتا” دەپ اتاماعانىمەن, قاباعىنا حيرۋرگييالىق تٷزەتۋ جاسالعانىن اشىق سيپاتتاعان. سونداي-اق ساحنادا جٷرگەن ادام ٷشٸن سىرتقى كەلبەتٸنە كٷتٸم جاساۋ ماڭىزدى ەكەنٸن جەتكٸزگەن.

لۋينا

لۋينا كەۋدەسٸن ٷلكەيتۋ ٷشٸن پلاستيكالىق وتا جاساتقانىن ٶزٸ راستاعان. ەنشٸ ەلەۋمەتتٸك جەلٸدە وقىرماندارىنىڭ پٸكٸرلەرٸنە جاۋاپ بەرۋ كەزٸندە 2018 جىلى كەۋدەسٸنە يمپلانت قويدىرعانىن ايتقان.