قازاقستان جازۋشىلار وداعىنىڭ مٷشەسٸ, بەلگٸلٸ ايتىسكەر اقىن نادەجدا لۋشنيكوۆا 86 جاسقا قاراعان شاعىندا دٷنيەدەن ٶتتٸ. قارالى حاباردى قازاقستان جازۋشىلار وداعى مەلٸمدەدٸ, دەپ حابارلايدى ult.kz.
نادەجدا لۋشنيكوۆا 1940 جىلى 22 قاراشادا الماتى وبلىسىنىڭ شامالعان اۋىلىندا دٷنيەگە كەلگەن. قازاق ورتاسىندا تەربيەلەنٸپ, قازاق تٸلٸندە بٸلٸم العان ول ٶمٸرٸن ۇلتتىق ەدەبيەت پەن ايتىس ٶنەرٸنە ارنادى.
1961 جىلى قىزىلورداداعى مەنشٷك مەمەتوۆا اتىنداعى پەداگوگيكالىق ۋچيليششەنٸ, 1969 جىلى اباي اتىنداعى قازاق پەداگوگيكالىق ينستيتۋتىنىڭ فيلولوگييا فاكۋلتەتٸن تەمامداعان.
اقىن 1963 جىلى قىزىلوردادا ٶتكەن وبلىستىق ايتىستا جٷلدەگەر اتاندى. ونىڭ قالدىبەك ەلٸقۇلوۆپەن ايتىسى كينوعا تٷسٸرٸلگەن. كەيٸن اۋداندىق جەنە وبلىستىق دەڭگەيدەگٸ سٶز سايىستارىنا قاتىسىپ, بٸرنەشە مەرتە جەڭٸسكە جەتكەن.
نادەجدا لۋشنيكوۆا ەر جىلدارى گازەتتە ەدەبي قىزمەتكەر, باسپادا رەداكتور, مەكتەپتە مۇعالٸم بولىپ ەڭبەك ەتتٸ. 1985 جىلدان باستاپ جامبىل اۋدانىنداعى ٷمبەتەلٸ كەرٸباەۆ مۇراجايىن باسقاردى.
اقىننىڭ «ەلٸم مەنٸڭ» (1962) جەنە «كٶڭٸل حوشى» (1970) اتتى جىر جيناقتارى جارىق كٶردٸ. سوڭعى جيناعى ٷشٸن قازاقستان كومسومولى سىيلىعىنا يە بولدى.
قازاقستان جازۋشىلار وداعىنىڭ باسقارماسى مارقۇمنىڭ تۋعان-تۋىستارى مەن جاقىندارىنا, قالىڭ وقىرمان قاۋىمعا قايعىرا كٶڭٸل ايتتى.
